ଭୁବନେଶ୍ବର: ବିନା ଭକ୍ତର ଶେଷ ହେଲା ମହାପ୍ରଭୁ ଲିଙ୍ଗରାଜଙ୍କ ବାହୁଡା ଯାତ୍ରା । ରଥରେ ମାଉସୀମା ମନ୍ଦିରରୁ ଲିଙ୍ଗରାଜ ମନ୍ଦିରକୁ ବାହୁଡିଲେ ମହାପ୍ରଭୁ ଲିଙ୍ଗରାଜ । ମାଉସୀମା ମନ୍ଦିରରୁ ବାହାରି ରଥରେ ବିଜେ ହେଲେ ପ୍ରଭୁ ଲିଙ୍ଗରାଜ, ମା ରୁକ୍ମିଣୀ ଏବଂ ଦୋଳଗୋବିନ୍ଦ।
ସପ୍ତାହନ୍ତ ସଟଡାଉନ ଓ କୋଭିଡ କଟକଣା ଭିତରେ ଶୃଙ୍ଖଳିତ ବାହୁଡା ଯାତ୍ରା ସମ୍ପର୍ଣ୍ଣ ହୋଇଛି । ଅପରାହ୍ନ ୧ଟା ୨୦ ମିନିଟରେ ରଥଟଣା ଆରମ୍ଭ ହୋଇଥିଲା । ଲିଙ୍ଗରାଜଙ୍କ ରଥ ଖଳାରେ ସନ୍ଧ୍ୟା ୫ଟା ୨୦ରେ ପହଁଞ୍ଚିଲା ରଥ ।
ଶନିବାର ନିର୍ଦ୍ଧାରିତ ସମୟ ଠାରୁ ଦୁଇ ଘଣ୍ଟା ପୂର୍ବରୁ ଆରମ୍ଭ ହୋଇଥିଲା ନୀତିକାନ୍ତି। ସକାଳ ଧୂପ ଓ ରୋଷ ନୀତି ପରେ ପହଣ୍ଡି ହୋଇଥିଲା। ରାମେଶ୍ୱର ମନ୍ଦିରରୁ ଘଣ୍ଟ ଶବ୍ଦରେ ତିନି ବିଗ୍ରହଙ୍କର ହୋଇଥିଲା ପହଣ୍ଡି ଓ ରଥାରୂଢ କାର୍ଯ୍ୟକ୍ରମ । ପରେ ରଥରେ ଘୋଡା ବନ୍ଧା ଯିବାପରେ ହୋଇଥିଲା ରଥଟଣା । ବିନା ଭକ୍ତରେ ଗଡ଼ିଲା ରୁକୁଣା ରଥ। ସୀମିତ ସେବାୟତ ଓ ପୋଲିସ କର୍ମଚାରୀଙ୍କ ମାଧ୍ୟମରେ ହୋଇଥିଲା ରଥଟଣା । ବାହୁଡା ଯାତ୍ରାକୁ ଦୃଷ୍ଟିରେ ରଖି କମିଶନରେଟ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା। ରଥଦାଣ୍ଡରେ 144 ଧାରା ଜାରି କରାଯିବା ସହ ଭକ୍ତଙ୍କ ଦର୍ଶନ ଉପରେ ଲଗାଯାଇଥିଲା ରୋକ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
