ଭୁବନେଶ୍ବର: ରାଜଧାନୀରେ ଆତଙ୍କ ମଚାଇଛନ୍ତି ଛିନତାଇ ଗ୍ୟାଙ୍ଗ । ତମାଣ୍ଡୋ ଥାନା ରେନେଗାଲିଆ ମଲ ସାମ୍ନାରୁ ଝାମ୍ପି ନେଇଛନ୍ତି ସୁନା ଚେନ । ପାତ୍ରପଡାର ପଲ୍ଲବି ପ୍ରିୟଦର୍ଶିନୀ ଗତ ୧୭ ତାରିଖରେ ଅପରାହ୍ନ ସମୟରେ ଘରକୁ ଫେରୁଥିବା ବେଳେ ହଟାତ ପଛପଟୁ ତାଙ୍କୁ ଆକ୍ରମଣ କରି ସୁନା ଚେନ ଝାମ୍ପି ନେଇଛନ୍ତି ।
ରାଜଧାନୀରେ ପୁଣି ଲୁଟ୍: ରାସ୍ତା ଉପରୁ ଝାମ୍ପି ନେଲେ ସୁନା ଚେନ
ତେବେ ମୁହଁରେ ମାସ୍କ ପିନ୍ଧିଥିବା ଦୁଇ ଜଣ ଦୃର୍ବୁତ ଏକ ବ୍ଲାକ ପଲସର ଗାଡିରେ ଆସିଥିଲେ । ପଲ୍ଲବୀଙ୍କ ପଛପଟୁ ତାଙ୍କ ବେକରୁ ସୁନା ଚେନ ଝାମ୍ପି ନେଇଥିଲେ । ଏପରିକି ଝାମ୍ପିବା ସମୟରେ ସ୍କୁଟିରେ ଯାଉଥିବା ପଲ୍ଲବି ତଳେ ପଡି ଯାଇଥିଲେ । ପରେ ଏନେଇ ସେ ପୋଲିସରେ ଅଭିଯୋଗ କରିଛନ୍ତି । ତେବେ ରାଜଧାନୀରେ ବିଭିନ୍ନ ସ୍ଥାନରୁ ଏଭଳି ଛିନତାଇ ବଢୁଥିବା ବେଳେ ଏବେ କମିସନରେଟ ପୋଲିସ ପାଇଁ ହୋଇଛି ଏକ ବଡ ଚ୍ୟାଲେଞ୍ଜ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
