ଭୁବନେଶ୍ବର: ଅଗଷ୍ଟ 1 ତାରିଖରେ ରାଜ୍ୟରେ ଆଂଶିକ ଲକଡାଉନ ଅବଧି ଶେଷ ହେବାକୁ ଯାଉଛି । ଆଗକୁ ଲକଡାଉନ ଅବଧି ବଢିବ ନାଁ ସମ୍ପୂର୍ଣ୍ଣ ଭାବେ କଟକଣା ଉଠିବ ସେ ନେଇ ସଂଶୟ ଲାଗି ରହିଛି । ମହାମାରୀ ଜନିତ ଏହି ଲକଡାଉନ କଟକଣା ଯୋଗୁଁ ଜୀବନ ଜୀବିକା ପ୍ରଭାବିତ ହୋଇଛି । ଏଭଳି ସ୍ଥିତିରେ ସରକାର ପ୍ରଭାବିତଙ୍କ ଗୁଜୁରାଣ ପାଇଁ ବିହିତ ପଦକ୍ଷେପ ଗ୍ରହଣ କରିନାହାନ୍ତି ବୋଲି କଂଗ୍ରେସ ଅଭିଯୋଗ କରିଛି ।
'ଅଗଷ୍ଟ ପହିଲାରୁ ଦୋକାନ ବଜାର ସବୁ ଖୋଲୁ'
ଲକଡାଉନ କଟକଣା ଯୋଗୁଁ ଛୋଟ ଛୋଟ ବ୍ୟବସାୟୀଙ୍କ ଠାରୁ ଆରମ୍ଭ କରି କଳାକର ପର୍ଯ୍ୟନ୍ତ ଖୁବ୍ ପ୍ରଭାବିତ ହୋଇଛନ୍ତି । ଏନେଇ କଂଗ୍ରେସ ନେତା ସୁର ରାଉତରାୟ କହିଛନ୍ତି, ଅଗଷ୍ଟ ପହିଲାର ସମୂର୍ଣ୍ଣ ରୂପେ ଲକଡାଉନ ହଟାଯାଉ । ଦୋକାନ ବଜାର, ସମସ୍ତ ଶିକ୍ଷାନୁଷ୍ଠାନ, ମଲ, ସିନେମା ହଲ ସବୁ କିଛି ଖୋଲାଯାଉ । ଲୋକଙ୍କୁ ସ୍ବାଧୀନତା ଦିଆଯାଉ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
