ଭୁବନେଶ୍ବର: ରାଜ୍ୟ ସରକାରଙ୍କ ନୂଆ ନିଷ୍ପତ୍ତି। ଫେବୃଆରୀରୁ ଲର୍ଣ୍ଣିଙ୍ଗ ଲାଇସେନସ ଓ ଡ୍ରାଇଭିଙ୍ଗ ଲାଇସେନ୍ସ ହେବ ପେପରଲେସ । ଅର୍ଥାତ ବିନା କାଗଜପତ୍ରରେ ଉଭୟ ଲାଇସେନ୍ସ ପାଇଁ ଆବେଦନ କରିପାରିବେ ଜନସାଧାରଣ ।
5-ଟି ଅଧୀନରେ ପରିବହନ ବିଭାଗ କାମ କରିବ । ପ୍ରିଣ୍ଟେଡ ଆବେଦନ ପତ୍ର, ଘୋଷଣା ପତ୍ର, ସ୍ଲାବ ବୁକିଙ୍ଗ ସ୍ଲିପ, ଫି ପେମେଣ୍ଟ ରିସିପ୍ଟ , ପରିଚୟ ପତ୍ର, ପାଇଁ କୌଣସି କାଗଜ ପତ୍ର ଆବଶ୍ୟକ ହେବନାହିଁ। କେବଳ ଅରିଜିନାଲ ଡକୁମେଣ୍ଟ ଯାଞ୍ଚ ବେଳେ ଦରକାର ଜନସାଧାରଣ ତାହାକୁ ଦେଖାଇବେ । ଏତିପାଇଁ ସାରଥୀ ଆପରେ ସବୁ ଡକୁମେଣ୍ଟର କପି ଅପଲୋଡ କରିବାକୁ ପଡିବ। ସବୁକିଛି ଡିଜିଟାଲରେ ହେବ।
ଏହାସହ ବାହ୍ୟ ରାଜ୍ୟ ଯାନବାହନକୁ ମିଳୁଥିବା ଅସ୍ଥାୟୀ ପରମିଟ ଆଉ ମାନୁଆଲ ହେବ ନାହିଁ । ଗାଡି ମାଲିକ ଅସ୍ଥାୟୀ ପରମିଟ ପାଇଁ ଜାନୁୟାରୀ 19ରୁ ଆରମ୍ଭ ହୋଇଥିବା ଅନଲାଇନ ଚେକପୋଷ୍ଟରେ ତୁରନ୍ତ ଟିପି ଡାଉନଲୋଡ କରିବେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
