ଭୁବନେଶ୍ବର: ରାଜଧାନୀ ବଜାରରୁ ଲିଚୁ ଗାଏବ । ବିହାର ପ୍ରଭାବରେ ଭୁବନେଶ୍ବରରେ ଭୟ । ବିହାରରେ ସଂକ୍ରମିତ ଲିଚୁ ଫଳ ଖାଇବ ଦ୍ଵାରା ଆକ୍ୟୁଟ ଏନ୍ ସେଫାଲାଇଟିସ୍ ତଥା ଚମକି ଜ୍ବରରେ ଶିଶୁମାନେ ଆକ୍ରାନ୍ତ ହେଉଥିବାରୁ ଭୁବନେଶ୍ବରରେ ଏହାର ପ୍ରଭାବ ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଚମକି ଜ୍ବରରେ ବିହାରରେ ଶିଶୁ ମାନଙ୍କର ଜୀବନ ଚାଲିଯାଉଥିବାରୁ ଭୁବନେଶ୍ବରର ବଜାରରୁ ଲିଚୁ ଗାଏବ ହୋଇଯାଇଛି । କୋଲକାତା ଓ ବିହାରରୁ ଆସୁଥିବା ଲିଚୁକୁ ନେଇ ରାଜ୍ୟ ସରକାରଙ୍କର ଚେତା ପଶିଛି । ବଜାରରେ ବିକ୍ରି ହେଉଥିବା ଲିଚୁରେ ରାସାୟନିକ ପଦାର୍ଥ ଅଛି କି ନାହିଁ ସେ ନେଇ ଯାଞ୍ଚ କରାଯିବ ବୋଲି ରାଜ୍ୟ ସରକାରଙ୍କ ପାଖରୁ ସୂଚନା ମିଳିଛି ।
ତେବେ ଚମକି ଜ୍ବର ଲିଚୁ କୋଳି ଖାଇବା ଦ୍ବାରା ହେଉଛି ବୋଲି କୌଣସି ପ୍ରମାଣ ମିଳିନଥିଲେ ମଧ୍ୟ ଲିଚୁକୁ ନେଇ ଭୟ ଦେଖାଦେଇଛି । ସୂଚନାଥାଉକି, ଚମକି ଜ୍ବରରେ ବିହାରରେ 100ରୁ ଅଧିକ ଶିଶୁଙ୍କର ମୃତ୍ୟୁ ଘଟିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
