ଭୁବନେଶ୍ବର: ରାଜ୍ୟରେ ୧୨ଟି ଜିଲ୍ଲାରେ ଚଳିତ ବର୍ଷ ସ୍ଵାଭାବିକ ଠାରୁ କମ ବର୍ଷା ହୋଇଛି । କମ ବର୍ଷା ଯୋଗୁଁ ମରୁଡି ପରିସ୍ଥିତି ଆଶଙ୍କା ସୃଷ୍ଟି ହୋଇଛି । ୩୦ଜିଲ୍ଲା ମଧ୍ୟରୁ କେବଳ ଝାରସୁଗୁଡା ଜିଲ୍ଲାରେ ୨୧.୭ ଅଧିକ ବର୍ଷା ରେକର୍ଡ ହୋଇଛି । ସେପଟେ ବର୍ଷା ଅଭାବ ଯୋଗୁଁ ଚାଷୀ କୂଳରେ ଏକପ୍ରକାର ହାହା କାର ସୃଷ୍ଟିହୋଇଛି ।
ଚଳିତବର୍ଷ ପୁରୀରେ ୬୫.୮ ମିଲିମିଟର କମ ବର୍ଷା ହୋଇଛି ,ତା ପଛକୁ ରହିଛି କେନ୍ଦ୍ରାପଡା ଜିଲ୍ଲା । ଯେଉଁଠି ୫୦.୭ ମିଲିମିଟର କମ ବର୍ଷା ହୋଇଛି ଏନେଇ ସ୍ଵତନ୍ତ୍ର ରିଲିଫ କମିଶନର କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି । ଜୁନ-ଜୁଲାଇ ମାସରେ ଏଭଳି ସ୍ଥିତି ଚାଷୀ କୂଳକୁ ଚିନ୍ତାରେ ପକାଇଛି । ଯଦି ଏଭଳି ପରିସ୍ଥିତି ଜାରି ରହେ ଆଗାମୀ ଦିନରେ ମରୁଡି ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି । ବର୍ଷା ନହେବାରୁ ରାଜ୍ୟରେ ଏପର୍ଯ୍ୟନ୍ତ ତଳି ରୁଆ ହେଇପାରିନାହିଁ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
