ଭୁବନେଶ୍ବର: ଶିଶୁ ଦିବସରେ ବିଭିନ୍ନ ଦାବିକୁ ନେଇ ରାଜରାସ୍ତାରେ ଅଧ୍ୟାପକ । ଶିଶୁ ଦିବସରେ ରାଜରାସ୍ତାରେ 488 ଅଧ୍ୟାପକ। ମୁଖ୍ୟମନ୍ତ୍ରୀ ବ୍ଲକଗ୍ରାଣ୍ଟ ଉଚ୍ଛେଦ ଉଠାଇବା ଘୋଷଣା କରିଛନ୍ତି କିନ୍ତୁ ତାହା କାର୍ଯ୍ୟକାରୀ କରାଯାଇନାହିଁ ବୋଲି ଅଧ୍ୟାପକମାନେ ଦାବି କରିଛନ୍ତି ।
ଚାରି ବର୍ଷ ପୂର୍ବରୁ ବ୍ଳକଗ୍ରାଣ୍ଟ ସମ୍ପୂର୍ଣ୍ଣ ଉଚ୍ଛେଦ କରିବା ସହ ପ୍ରତ୍ୟକ୍ଷ ପୂର୍ଣ୍ଣ ଅନୁଦାନ ପ୍ରଦାନ କରାଗଲା ବୋଲି ମୁଖ୍ୟମନ୍ତ୍ରୀ ଘୋଷଣା କରିଥିଲେ। କିନ୍ତୁ ତାହା ଅଦ୍ୟାବଧି କାର୍ଯ୍ୟକାରୀ ନ ହେବା ଯୋଗୁଁ ନିଖିଳ ଓଡିଶା ଅନୁଦାନ ପ୍ରାପ୍ତ ମହାବିଦ୍ୟାଳୟ 488 ବର୍ଗ ଅଧ୍ୟାପକ ଓ କର୍ମଚାରୀ ସଂଘ ଆନ୍ଦୋଳନକୁ ଓହ୍ଲାଇଛନ୍ତି । ରାଜ୍ୟର ଶହ ଶହ ଅଧ୍ୟାପକ ଓ କର୍ମଚାରୀ ଏହି ଆନ୍ଦୋଳନରେ ସାମିଲ ହୋଇଛନ୍ତି । ଏହି ବର୍ଗରେ କାମ କରି ଆସୁଥିବା ଏପରିକି 20 ରୁ 25 ବର୍ଷ ପରେ ଚାକିରୀ ଜୀବନ ଆରମ୍ଭ କରିଥିବା ନୂତନ ଅଧ୍ୟାପକଙ୍କୁ ମଧ୍ୟ ସରକାର ସମସ୍ତ ସର୍ତ୍ତାବଳୀ ପ୍ରଦାନ କରାଯାଉଛି । ଶେଷ ପାହାଚରେ ପଦାର୍ପଣ କରିଥିବା ଆନ୍ଦୋଳନଗତ ଏହି ଅଧ୍ୟାପକ ଓ କର୍ମଚାରୀମାନଙ୍କୁ କୌଣସି ଅବସରକାଳୀନ ଦିଆଯାଇନାହିଁ । ଏହାଏକ ଗଣତାନ୍ତ୍ରିକ ସରକାରଙ୍କ ପକ୍ଷେ ଶୋଭନୀୟ ନୁହେଁ ବୋଲି ସାଧାରଣ ସମ୍ପାଦକ ପ୍ରିୟ ରଞ୍ଜନ ରଥ କହିଛନ୍ତି ।
ଏଣୁ ଯଥା ଶୀଘ୍ର ଏହି ବର୍ଗର ଅଧ୍ୟାପକ ଓ କର୍ମଚାରୀଙ୍କ କ୍ଷେତ୍ରରେ ସପ୍ତମ କମିଶନ ସୁପାରିସ ଆଧାରରେ ଦରମା ପ୍ରଦାନ, କମନ କ୍ୟାଡରରେ ଅନ୍ତର୍ଭୂକ୍ତ କରି ପଦୋନ୍ନତି ଦେବା ସହ ଜିପିଏଫ, ପେନସନ ଗ୍ରାଚୁଇଟି ଇତ୍ୟାଦି ସମସ୍ତ ଚାକିରୀ ସର୍ତ୍ତାବଳୀ ଘୋଷଣା ନ କଲେ ଏହି ଆନ୍ଦୋଳନକୁ ତୀବ୍ରତର କରାଯିବ ବୋଲି ଚେତାବନୀ ଦେଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
