ଭୁବନେଶ୍ବର: ମୁଖ୍ୟମନ୍ତ୍ରୀଙ୍କ ଆହ୍ବାନ କ୍ରମେ ଶନିବାର ସନ୍ଧ୍ୟା 5.30ରେ ସାରା ଓଡି଼ଶା ଓ ଓଡି଼ଶା ବାହାରେ ଥିବା ସମସ୍ତ ଓଡି଼ଆ କୋରୋନା ଯୋଦ୍ଧାଙ୍କୁ ସମ୍ମାନାର୍ଥେ ଗାଇଛନ୍ତି ‘ବନ୍ଦେ ଉତ୍କଳ ଜନନୀ’ । ତେବେ ଏହି ଧାରାରେ ନିଜ ମଧ୍ୟ ସାମିଲ ହୋଇଛନ୍ତି ନିଜେ ମୁଖ୍ୟମନ୍ତ୍ରୀ । ନବୀନ ନିବାସରେ ଗାଇଛନ୍ତି ‘ବନ୍ଦେ ଉତ୍କଳ ଜନନୀ’ । ସେପଟେ ବିଜେଡି କାର୍ଯ୍ୟାଳୟରେ ଏକାଠି ହୋଇଥିଲେ ଦଳର ନେତା ଓ କର୍ମୀ ।
ବିଜେଡି ଦଳୀୟ କାର୍ଯ୍ୟାଳୟରେ ‘ବନ୍ଦେ ଉତ୍କଳ ଜନନୀ’ ଗାଇଲେ ନେତା
ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା, ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମାଲିକ, ବିଧାୟକ ଅନନ୍ତ ନାରାୟଣ ଜେନା ପ୍ରମୁଖ ଉପସ୍ଥିତ ଥିଲେ । ବନ୍ଦେ ଉତ୍କଳ ଜନନୀ ସବୁ ଓଡ଼ିଆଙ୍କୁ ଏକାଠି କରିଛି । କୋଭିଡ ଯୋଦ୍ଧାଙ୍କ ପାଇଁ ଏହା ସବୁଠୁ ବଡ଼ ସମ୍ମାନ ବୋଲି ସଞ୍ଜୟ ଦାସବର୍ମା କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
