ଭୁବନେଶ୍ବର: ସଟ୍ଡାଉନ୍ ସରିବା ପରେ ପରିବା ବଜାରରେ ଲୋକଙ୍କ ଭିଡ । ନାହିଁ ସାମାଜିକ ଦୂରତା । ଏହାକୁ ଦେଖି ଲୋକଙ୍କୁ ଘଉଡାଇବା ପାଇଁ ପୋଲିସର ଲାଠି ଚାର୍ଜ । କୋରୋନା ଭାଇରସକୁ ନେଇ ସାମାଜିକ ଦୂରତା ରକ୍ଷା କରୁନଥିବାରୁ ବାଧ୍ୟ ହୋଇ ଏପରି ଉପାୟ ଆପଣେଇଛି ପୋଲିସ ।
ସୂଚନା ଅନୁସାରେ, ବଢୁଥିବା କୋରୋନା ଆକ୍ରାନ୍ତଙ୍କ ସଂଖ୍ୟାକୁ ଦୃଷ୍ଟିରେ ରଖି ଦୁଇ ଦିନ ଧରି ଭୁବନେଶ୍ବରରେ ସଟଡାଉନ ଘୋଷଣା ହୋଇଥିଲା । ଯାହା ସରିବା ମାତ୍ରେ ସୋମବାର ସକାଳୁ ସକାଳୁ ଭୁବନେଶ୍ବରର ଏକ ନମ୍ବର ପରିବା ମାର୍କେଟରେ ଦେଖିବାକୁ ମିଳିଥିଲା ଭିଡ ।
ଯାହାକୁ ନିୟନ୍ତ୍ରଣ କରିବାକୁ ଯାଇ ପୋଲିସ ଆରମ୍ଭ କରିଥିଲା ଲାଠିଚାର୍ଜ । ନିୟମ ଭାଙ୍ଗି ବାଇକ୍ ଯୋଗେ ପରିବା କିଣିବାକୁ ଆସିଥିବା ଲୋକଙ୍କ ବାଇକ୍ ମଧ୍ୟ ଜବତ କରିଥିଲା ପୋଲିସ । ସେପଟେ ଘଟଣାସ୍ଥଳକୁ ଆସି ସ୍ଥିତି ଅନୁଧ୍ୟାନ କରିଛନ୍ତି ଡିସିପି ଓ ଏସିପି । ତେବେ ଲୋକଙ୍କୁ ବାରମ୍ବାର ବାରଣ କରିବା ସତ୍ତ୍ବେ ବି ସାମାଜିକ ଦୂରତା ବଜାୟ ନରଖିବାରୁ ପୋଲିସ ପକ୍ଷରୁ ଏପରି କରାଯାଇଥିବା ସୂଚନା ମିଳିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
