ହାଇଦ୍ରାବାଦ: ଆସୁଛି ନୂଆବର୍ଷ 2025 । ଏନେଇ ସମସ୍ତଙ୍କ ମଧ୍ୟରେ ଉତ୍ସାହର ମାହୋଲ । ନୂଆବର୍ଷକୁ ଆହୁରି ରଙ୍ଗୀନ କରିବା ଲାଗି ଇନଷ୍ଟାଣ୍ଟ ମେସେଜିଂ ଆପ୍ ହ୍ବାଟ୍ସଆପ୍ ୟୁଜରଙ୍କ ଲାଗି ଏକ ଦମଦାର ଫିଚର ଆଣିଛି । ଗୁରୁବାର କମ୍ପାନୀ ମେସେଜ୍ ଏବଂ କଲିଂର ଅଭିଜ୍ଞତାକୁ ଉନ୍ନତ କରିବା ପାଇଁ ଅନେକ ମଜାଳିଆ ଫିଚର ଆଣିଛି । ଏହି ଫିଚରଗୁଡିକ ଏକ ସୀମିତ ସମୟ ପାଇଁ ଅଛି । ବ୍ୟବହାରକାରୀମାନେ ଭିଡିଓ କଲ୍ ସମୟରେ ନୂତନ ବର୍ଷର ଥିମ୍ ସହିତ ନୂତନ କଲିଂ ଇଫେକ୍ଟ ବ୍ୟବହାର କରିପାରିବେ ।
ଏହା ସହିତ ଏହି ଲୋକପ୍ରିୟ ମେସେଜିଂ ପ୍ଲାଟଫର୍ମ ନୂତନ ବର୍ଷର ବାତାବରଣ ସହିତ ମେଳ ଖାଇବା ପାଇଁ ନୂତନ ଆନିମେସନ୍ ଏବଂ ଷ୍ଟିକର୍ ପ୍ୟାକ୍ ଉପସ୍ଥାପନ କରିଛି | ସୂଚନାଯୋଗ୍ୟ ଯେ ଇନଷ୍ଟାଗ୍ରାମ, ଯାହା ମେଟା ପ୍ଲାଟଫର୍ମର ମାଲିକାନା ହୋଇଥିବା ଅନ୍ୟ ଏକ ଆପ୍, ନିକଟରେ 2024 କୋଲାଜ୍ ନାମକ ଏକ ସୀମିତ ଅବଧି ଫିଚର ଉପସ୍ଥାପନ କରିଛି ।
WhatsApp ଆଣିଲା ନ୍ୟୁ ଇଅର ଫିଚର
ହ୍ବାଟ୍ସଆପ୍ ଦ୍ବାରା ଜାରି ବିବୃତ୍ତି ଅନୁଯାୟୀ ବର୍ତ୍ତମାନ ଖ୍ରୀଷ୍ଟମାସ ଏବଂ ନୂତନ ବର୍ଷ ଛୁଟିଦିନରେ ୟୁଜରମାନେ ଭିଡିଓ କଲ କରିବେ ଏବଂ ଏଥିଲାଗି ଫେଷ୍ଟିଭାଲର ବ୍ୟାକଗ୍ରାଉଣ୍ଡ, ଫିଲ୍ଟର ଦିଆଯାଇଛି ଯାହାର ସେମାନେ ବ୍ୟବହାର କରିପାରିବେ । ଏହା ବ୍ୟତୀତ ନୂତନ ଆନିମେଟେଡ୍ ରିଆକ୍ସନ ମଧ୍ୟ ପ୍ରଦାନ କରାଯାଇଛି । ଏହାସିହତ ହ୍ବାଟ୍ସଆପରେ ନୂତନ ଷ୍ଟିକରଗୁଡିକ ଦିଆଯାଇଛି । ପ୍ଲାଟଫର୍ମ ନୂଆ ବର୍ଷର ଥିମ୍ ସହିତ ମେଳ ଖାଉଥିବା ଅବତାର ଷ୍ଟିକର୍ ସହିତ ଏକ କ୍ୟୁରେଟେଡ୍ ନୂଆ ବର୍ଷ (NYE) ଷ୍ଟିକର୍ ପ୍ୟାକ୍ ଉପସ୍ଥାପନ କରିଛି । ହ୍ବାଟ୍ସଆପ୍ କହିଛି ଯେ ମଜାଳିଆ ଏବଂ ଇଣ୍ଟରାକ୍ଟିଭ୍ ଢଙ୍ଗରେ ଛୁଟିଦିନର ଶୁଭେଚ୍ଛା ପଠାଇବା ପାଇଁ ଏହି ଫିଚରଗୁଡିକ ଏକ ଉତ୍ତମ ଉପାୟ ।
ଗତ ସପ୍ତାହରେ ହ୍ବାଟ୍ସଆପରେ ଯୋଡି ହୋଇଥିବା ଅନ୍ୟ ଫିଚରଗୁଡିକରେ ଏହି ଫିଚରଗୁଡିକ ଅନ୍ତର୍ଭୂକ୍ତ କରାଯାଇଛି । ଗତ ସପ୍ତାହରେ କମ୍ପାନୀ ପପି ଇଅର, ଅଣ୍ଡର ୱାଟର ଏବଂ କରାଓକ୍ ମାଇକ୍ରୋଫୋନ୍ ସହିତ ଭିଡିଓ କଲ୍ ଏଭଳି ଇଫେକ୍ଟ ଆଣିଥିଲା । ଉପଭୋକ୍ତାମାନେ ଏକ ଗ୍ରୁପ୍ କଲ୍ ପାଇଁ ନିର୍ଦ୍ଦିଷ୍ଟ ଅଂଶଗ୍ରହଣକାରୀ ଚୟନ କରିପାରିବେ । ଉକ୍ତ ଗ୍ରୁପ କଲ୍ରେ ଯେଉଁମାନଙ୍କ ସହିତ ୟୁଜର କଥାବାର୍ତ୍ତା କରିବାକୁ ଚାହୁଁଛନ୍ତି ସେମାନଙ୍କୁ ହିଁ କଲ୍ ନୋଟିଫିକେସନ ପଠାଇପାରିବେ ।
