ଭୁବନେଶ୍ବର : ଶ୍ରମିକ ଦିବସ ଉପଲକ୍ଷେ ରାଜ୍ୟର ସମସ୍ତ ଶ୍ରମିକ ମାନଙ୍କୁ ଶୁଭେଚ୍ଛା ଜଣାଇଛନ୍ତି ଶ୍ରମମନ୍ତ୍ରୀ ସୁଶାନ୍ତ ସିଂ। ରାଜ୍ୟର ଦୃତ ଶିଳ୍ପାୟନ ପାଇଁ ଶ୍ରମିକ ମାନଙ୍କ ଗୁରୁତ୍ବପୁର୍ଣ୍ଣ ଭୂମିକା ରହିଛି । ଶ୍ରମିକ ମାନଙ୍କ ନିଷ୍ଠା ଓ ଆନ୍ତରିକତା ରାଜ୍ୟକୁ ଆଗେଇ ନେବ ବୋଲି ସେ କହିଛନ୍ତି । କୋରୋନା ମହାମାରୀ ସମୟରେ ସଚେତନ ରହିବା ସହ ମାସ୍କ ଓ ସାମାଜିକ ଦୂରତା ବଜାୟୀ ରଖିବା ପାଇଁ ସେ କହିଛନ୍ତି ।
ସେପଟେ ଶ୍ରମିକ ମାନଙ୍କୁ ଶୁଭେଚ୍ଛା ଜଣାଇଛନ୍ତି ବିଜେପି ନେତା ପ୍ରଦୀପ ପୁରୋହିତ । ସେ କହିଛନ୍ତି ଯେ କୋରୋନା ମହାମାରୀ ସମୟରେ ରାଜ୍ୟର ଅନେକ ଶ୍ରମିକ ମାନେ ହଇରାଣ ହରକତ ହେଉଛନ୍ତି । ବାହାର ରାଜ୍ୟରେ ଫସିଥିବା ଶ୍ରମିକ ମାନେ ନିଜ ଗାଁ କୁ ଫେରିବା ପାଇଁ ବ୍ୟାକୁଳ ହେଉଛନ୍ତି । ରାଜ୍ୟରେ କର୍ମ ନିଯୁକ୍ତିର ସୁବିଧା ସୁଯୋଗ ନ ଥିବା ହେତୁ ଦାଦନ ଖଟିବା ପାଇଁ ବାହାର ରାଜ୍ୟକୁ ଯାଉଛନ୍ତି ବୋଲି ସେ କହିଛନ୍ତି । କେନ୍ଦ୍ର ସରକାରଙ୍କ ବିଭିନ୍ନ ଯୋଜନାର କାର୍ଯ୍ୟ ମେସିନ୍ ଯୋଗେ ହେଉଥିବା ହେତୁ ଏଠାକାର ଶ୍ରମିକ କାର୍ଯ୍ୟ ପାଉ ନାହାଁନ୍ତି । ରାଜ୍ୟ ସରକାର ଶ୍ରମିକ ମାନଙ୍କ ପାଇଁ ଭିତ୍ତିଭୂମି ପ୍ରସ୍ତୁତ କରନ୍ତୁ ଫଳରେ ନିଜ ରାଜ୍ୟରେ କର୍ମ ନିଯୁକ୍ତି ପାଇପାରିବେ ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
