ଭୁବନେଶ୍ବର: ଗୁରୁବାର ବିଧାନସଭା ପ୍ରଶ୍ନକାଳରେ କେବିକେ ଯୋଜନାକୁ ନେଇ ଉଦବେଗ ପ୍ରକାଶ ପାଇଛି । 2017-18 ଆର୍ଥିକ ବର୍ଷ ପାଇଁ କେବିକେ ପାଇଁ ସ୍ବତନ୍ତ୍ର ଅନୁଦାନ ବନ୍ଦ କରି ଦେଇଛି କେନ୍ଦ୍ର । ଏ ବାବଦରେ ରାଜ୍ୟ, କେନ୍ଦ୍ର ସରକାରଙ୍କୁ ଅନେକ ଥର ଅନୁରୋଧ କଲା ପରେ ମଧ୍ୟ କୌଣସି ଲାଭ ମିଳିନାହିଁ ।
ପୂର୍ବରୁ 2014ରୁ 16-17 ଆର୍ଥିକ ବର୍ଷ ପର୍ଯ୍ୟନ୍ତ 750 କୋଟିର ସହାୟତା ମିଳିଥିଲା ଏବଂ ପରେ ଏହା ବନ୍ଦ ହୋଇଯାଇଛି। ବିଜୁ କେବିକେ ଯୋଜନାରୁ ରାଜ୍ୟ ସରକାର ଆର୍ଥିକ ସହାୟତା ଦେଇଥିବା ଜଣାଇଛନ୍ତି ରାଜ୍ୟ ଯୋଜନା ଓ ସମନ୍ବୟ ମନ୍ତ୍ରୀ ପଦ୍ମନାଭ ବେହେରା । କେବିକେ ଯୋଜନାରେ ମୋଟ 3343.95 କୋଟି ଟଙ୍କା ଅନୁଦାନ ଆସିଥିଲା। ସେଥିମଧ୍ୟରୁ 3289 କୋଟି ଖର୍ଚ୍ଚ ହୋଇଛି। ବାକି 54 କୋଟି ଟଙ୍କାର ଖର୍ଚ୍ଚ ଚାଲିଛି ବୋଲି ଜଣାଇଛନ୍ତି ମନ୍ତ୍ରୀ।
1998-99 ମସିହାରୁ କେବିକେ ଯୋଜନା ଆରମ୍ଭ ହୋଇଥିଲା । କେନ୍ଦ୍ର ଠାରୁ ୩୩୪୩ କୋଟି ୯୫ ଲକ୍ଷ ଟଙ୍କା ରାଜ୍ୟ ପାଇଥିବା ବେଳେ ୩୨୮୯ କୋଟି ଟଙ୍କା ଖର୍ଚ୍ଚ ହୋଇଛି। କେବିକେ ଯୋଜନାରେ ବ୍ୟୟବରାଦ ହୋଇଥିବା ସହାୟତା ରାଶିର କାର୍ଯ୍ୟକାରିତାକୁ ନେଇ ସରକାରଙ୍କୁ ଘେରିଛି ବିରୋଧି କଂଗ୍ରେସ । ଏହି ଯୋଜନା ପାଇଁ ରାଜ୍ୟ ସରକାର ଅଳ୍ପ ଅର୍ଥ ଦେଇଥିବାରୁ ମୁଁ " ଅଳ୍ପ ଧନ୍ୟବାଦ" ଦେଉଛି ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
