ଭୁବନେଶ୍ବର: ଆଇପିଏସ ସ୍ତରରେ ଅଦଳ ବଦଳ । ବିଜୟ କୁମାର ଏବଂ ହିମାଂଶୁ ଲାଲଙ୍କୁ ନୂଆ ଦାୟିତ୍ବ ମିଳିଛି । ଉଭୟଙ୍କୁ ପଦନ୍ନୋତି କରାଯାଇ ନୂଆ ଦାୟିତ୍ବ ହସ୍ତାନ୍ତର କରାଯାଇଛି । ଏନେଇ ଆଜି (ଶୁକ୍ରବାର) ବିଜ୍ଞପ୍ତି ପ୍ରକାଶ ପାଇଛି ।
ତେବେ 1986 ବ୍ୟାଚର ପୂର୍ବତନ ପୋଲିସ ଡିଜି ତଥା ଗୃହ ବିଭାଗ ଓଏସଡି ବିଜୟ କୁମାର ଶର୍ମାଙ୍କୁ ନୂଆ ଦାୟିତ୍ୱ । କଟକ ପ୍ରିଣ୍ଟିଂ ପ୍ରେସ ଓ ମୁଦ୍ରଣ ନିର୍ଦ୍ଦେଶାଳୟର ନିର୍ଦ୍ଦେଶକ ଭାବେ ତାଙ୍କୁ ନୂଆ ଦାୟିତ୍ୱ ପ୍ରଦାନ କରାଯାଇଛି । ପୁର୍ବତନ ପୋଲିସ ଡିଜି ଭାବେ ଦାୟିତ୍ବ ତୁଲାଇଥିବା ବିଜୟ ଶର୍ମାଙ୍କୁ ବିବାଦୀୟ ମୋଡରେ ଓଏସଡି ଭାବେ ବଦଳି କରାଯଇଥିଲା । ଏହାପରେ ତାଙ୍କୁ ନୁତନ ପଦବୀ ପ୍ରଦାନ କରାଯାଇଛି ।
ସେହିଭଳି 2003 ବ୍ୟାଚ ଆଇପିଏସ ଅଫିସର ହିମାଂଶୁ ଲାଲଙ୍କୁ ଡିଆଇଜିରୁ ଆଇଜିକୁ ପଦନ୍ନୋତି ଦିଆଯାଇଛି । ତେବେ ବର୍ତ୍ତମାନ ତାଙ୍କୁ କାରାଗାର ବିଭାଗର ଆଇଜି ଭାବେ ନିଯୁକ୍ତି ମିଳିଛି । ଅନ୍ୟପଟେ ହିମାଂଶୁ ଲାଲ୍ ଭୁବନେଶ୍ବର ଡିସିପି ଏବଂ କ୍ରାଇମବ୍ରାଞ୍ଚ ଏସଟିଏଫ ଡାଆଇଜି ଥିବାବେଳେ ବହୁ ଗୁରୁତ୍ବପୂର୍ଣ୍ଣ ମାମଲାର ଖୁଲାସା କରିଛନ୍ତି । ଏହି ସମୟରେ ସେ ଟିଟୋ ଗ୍ୟାଙ୍ଗର ଖୁଲାସା ମଧ୍ୟ କରିଥିଲେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ ଏବଂ ତାପସ ପରିଡା, ଇଟିଭି ଭାରତ
