ଭୁବନେଶ୍ବର: କଂଗ୍ରେସ ନେତ୍ରୀ ତଥା ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଆଜି ହେଉଛି 103 ତମ ଜୟନ୍ତୀ । ତାଙ୍କ ପ୍ରଧାନମନ୍ତ୍ରୀତ୍ତ୍ବ କାଳରେ ଦେଶ ଅନେକ ଉନ୍ନତି ସାଧନ କରିବା ସହ ବିଶ୍ବରେ ଏକ ସ୍ବତନ୍ତ୍ର ସ୍ଥାନ ହାସଲ କରିଥିଲା । ଏହି ଅବସରରେ ରାଜ୍ୟ କଂଗ୍ରେସ ପକ୍ଷରୁ ସ୍ଥାନୀୟ ଇନ୍ଦିରା ଗାନ୍ଧୀ ପାର୍କ ଠାରେ ଥିବା ପ୍ରତିମୂର୍ତ୍ତିରେ ମାଲ୍ୟାର୍ପଣ ପୂର୍ବକ ଶ୍ରଦ୍ଧା ସୁମନ ଅର୍ପଣ କରାଯାଇଛି ।
ଆଜି ତାଙ୍କର ପୁଣ୍ୟ ଜୟନ୍ତୀ ଅବସରରେ ରାଜ୍ୟ କଂଗ୍ରେସ ପକ୍ଷରୁ ସ୍ଥାନୀୟ ଇନ୍ଦିରା ଗାନ୍ଧୀ ପାର୍କ ଠାରେ ଥିବା ପ୍ରତିମୂର୍ତ୍ତିରେ ମାଲ୍ୟାର୍ପଣ ପୂର୍ବକ ଶ୍ରଦ୍ଧା ସୁମନ ଅର୍ପଣ କରାଯାଇଛି ।
ଏଥିରେ ରାଜ୍ୟ କଂଗ୍ରେସର ସଭାପତିଙ୍କ ସମେତ ଅନ୍ୟାନ୍ୟ ବରିଷ୍ଠ ନେତୃବୃନ୍ଦମାନେ ସାମିଲ ହୋଇ ତାଙ୍କର ଅମ୍ଳାନ ସ୍ମୃତିଚାରଣ କରିଥିଲେ । ସମ୍ପ୍ରତି ଦେଶର ଶାସକ ଗୋଷ୍ଠୀ ଭିନ୍ନ ଦିଗରେ ଦେଶକୁ ନେବାକୁ ପ୍ରୟାସ କରୁଥିବା କଂଗ୍ରେସ ସଭାପତି କହିବା ସହ ଏଥିପାଇଁ ସମସ୍ତେ ଏକଜୁଟ ହୋଇ ଦେଶର ଅଖଣ୍ଡତା ବଜାୟ ରଖିବା ଉଦ୍ଦେଶ୍ୟରେ କାର୍ଯ୍ୟ କରିବାକୁ ଉପଦେଶ ଦେଇଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
