କୋରୋନାରେ ଆଖି ବୁଜିଲେ ଭାରତୀୟ ବନ ସେବା ଅଧିକାରୀ

କୋରୋନାରେ ଯୁଦ୍ଧରେ ହାରିଗଲେ ଭାରତୀୟ ବନ ସେବା ଅଧିକାରୀ ସନ୍ତୋଷ କୁମାର ବନଛୋର । ଉପ ବନ ସଂରକ୍ଷକ ବା ଡିସିଏଫ୍ ଭାବେ କାର୍ଯ୍ୟରତ ଥିଲେ ବନଛୋର । ଅଧିକ ପଢନ୍ତୁ...

ଭୁବନେଶ୍ବର: କୋରୋନାରେ ଚାଲିଗଲେ ଭାରତୀୟ ବନ ସେବା ଅଧିକାରୀ ସନ୍ତୋଷ କୁମାର ବନଛୋରଙ୍କ ଜୀବନ । ବନ୍ୟପ୍ରାଣୀ ପିସିସିଏଫ୍‌ଙ୍କ କାର୍ଯ୍ୟାଳୟରେ ଉପ ବନ ସଂରକ୍ଷକ ବା ଡିସିଏଫ୍ ଭାବେ କାର୍ଯ୍ୟରତ ଥିଲେ ବନଛୋର ।

ମହାମାରୀ କୋରୋନାରେ ଆକ୍ରାନ୍ତ ହୋଇ ଗତ ୯ ତାରିଖରେ ଡାକ୍ତରଖାନାରେ ଭର୍ତ୍ତି ହୋଇଥିଲେ ସନ୍ତୋଷ । ମଙ୍ଗଳବାର ଅପରାହ୍ନ 3ଟାରେ ବନଛୋର ମୃତ୍ୟୁ ଘଟିଥିଲା।

ପ୍ରକାଶ ଥାଉକି ଦୁଇମାସ ତଳେ ସେ ଭାରତୀୟ ବନ ସେବା ଅଧିକାରୀ ଭାବେ ପଦୋନ୍ନତି ପାଇଥିଲେ । ବନଛୋରଙ୍କ ବିୟୋଗରେ ରାଜ୍ୟ ବନ ବିଭାଗ ଅଧିକାରୀ ଓ କର୍ମଚାରୀ ମହଲରେ ଶୋକର ଛାୟା ଖେଳି ଯାଇଛି ।

ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ