ଭୁବନେଶ୍ବର: ପତ୍ନୀଙ୍କ ଝୁଲନ୍ତା ମୃତଦେହ ଦେଖି ଫିନାଇଲ ପିଇଲେ ପତି । ଗୋଟିଏ ଘରେ ସ୍ବାମୀ-ସ୍ତ୍ରୀଙ୍କ ଆତ୍ମହତ୍ୟା ଉଦ୍ୟମ । ଏମିତି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଲକ୍ଷ୍ମୀସାଗର ଥାନା ସିଦ୍ଧେଶ୍ଵରୀ ଆପାର୍ଟମେଣ୍ଟରେ । ଲୁଗା ହୋଲସେଲ ବ୍ୟବସାୟୀ ଦମ୍ପତି ସଞ୍ଜୁ ପେରିଓ୍ବାଲଙ୍କର ମୃତ୍ୟ ହୋଇଥିବା ବେଳେ ଗୁରୁତର ଅବସ୍ଥାରେ ସ୍ବାମୀ ସଞ୍ଜୟ ପେରିଓ୍ବାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସଞ୍ଜୟଙ୍କ ସ୍ବାସ୍ଥ୍ୟବସ୍ଥା ଭଲ ନଥିବା ସୂଚନା ମିଳିଛି ।
ସୂଚନା ମୁତାବକ, ସକାଳେ ପୁଅ ଝିଅ ସ୍କୁଲକୁ ଯାଇଥିବା ବେଳେ ସ୍ବାମୀ ଲୁଗା ହୋଲସେଲ ସେଣ୍ଟରକୁ ଯାଇଥିଲେ । ପରେ ସ୍ତ୍ରୀ ଫୋନ ନଉଠାଇବାରୁ ଶଳାକୁ ଜଣାଇଥିଲେ । ଏନେଇ ଶଳା ତାଙ୍କର ଏକ ପୁତୁରାକୁ ଘରକୁ ପଠାଇଥିଲେ । ତେବେ ସଞ୍ଜୁ ଆତ୍ମହତ୍ୟା କରିଥିବା ନେଇ ଖବର ପାଇବା ପରେ ସ୍ବାମୀ ଘରେ ପହଞ୍ଚିଥିଲେ । ପତ୍ନୀଙ୍କ ଝୁଲନ୍ତା ମୃତଦେହ ଦେଖି ନିଜେ ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରିଛନ୍ତି ସଞ୍ଜୟ । ହେଲେ କେଉଁ କାରଣରୁ ସଞ୍ଜୁ ଆତ୍ମହତ୍ୟା କଲେ ଏବଂ ସଞ୍ଜୟ କାହିଁକି ଆତ୍ମହତ୍ୟା ଉଦ୍ୟମ କରିଛନ୍ତି ସେନେଇ ଜଣାପଡିନହିଁ । ଏନେଇ ଲକ୍ଷ୍ମୀସାଗର ଥାନାରେ ଅପମୃତ୍ୟ ମାମଲା ରୁଜ୍ଜୁ କରି ପୋଲିସ ତଦନ୍ତ ଚଳାଇଛି ।
ଇଟିଭି ଭାରତ, ଭୁବନେଶ୍ବର
