ଡିସେମ୍ବର ୧ ସୁଦ୍ଧା ୨୮୯୧ ମାନବାଧିକାର ଉଲ୍ଲଙ୍ଘନ ପିଟିସନ ଅଭିଯୋଗ

ମହାମାରୀ କୋଭିଚ୍‌-୧୯ ପରିପେକ୍ଷୀରେ ଆଜି ଓଡ଼ିଶା ମାନବାଧିକାର ଆୟୋଗର ସମ୍ମିଳନୀ କକ୍ଷରେ ମାନବାଧିକାର ଦିବସ ପାଳିତ ହୋଇଛି । ୨୦୨୧ ଡିସେମ୍ବର ୧ ତାରିଖ ସୁଦ୍ଧା ୨୮୯୧ ମାନବାଧିକାର ଉଲଂଘନ ପିଟିସନ ଆୟୋଗରେ ଦାଖଲ ହୋଇଛି। ଅଧିକ ପଢନ୍ତୁ

ଭୁବନେଶ୍ବର: ଡିସେମ୍ବର ୧ ତାରିଖ ସୁଦ୍ଧା ୨୮୯୧ ମାନବାଧିକାର ଉଲଂଘନ ପିଟିସନ ଅଭିଯୋଗ। ମହାମାରୀ କୋଭିଚ୍‌-୧୯ ପରିପେକ୍ଷୀରେ ଆଜି ଓଡ଼ିଶା ମାନବାଧିକାର ଆୟୋଗର (OHRC Commission) ସମ୍ମିଳନୀ କକ୍ଷରେ ମାନବାଧିକାର ଦିବସ ପାଳିତ (Human Right Day) ହୋଇଛି । ୨୦୨୧ ଡିସେମ୍ବର ୧ ତାରିଖ ସୁଦ୍ଧା ୨୮୯୧ ମାନବାଧିକାର ଉଲଂଘନ ପିଟିସନ ଆୟୋଗରେ ଦାଖଲ ହୋଇଛି।

ଡିସେମ୍ବର ୧ ତାରିଖ ସୁଦ୍ଧା ୨୮୯୧ ମାନବାଧିକାର ଉଲଂଘନ ପିଟିସନ ଅଭିଯୋଗ

ଓଡ଼ିଶାରେ ୨୦୦୩ ମସିହାରୁ ମାନବାଧୂକାର ଆୟୋଗ କାର୍ଯ୍ୟ କରିଆସୁଛି। ଆୟୋଗ କାର୍ଯ୍ୟ ଆରମ୍ଭ କରିବା ଦିନଠାରୁ ମାନବାଧିକାର ଉଲଘନ ପରି ଗୁରୁତ୍ଵତ୍ଵପୂର୍ଣ୍ଣ ସମସ୍ୟାକୁ ସମାଧାନ ଦିଗରେ ଅତି ଦାୟିତ୍ଵର ସହ କାର୍ଯ୍ୟନିର୍ବାହ କରିଆସୁଛି । ଆୟୋଗ ମୁଖ୍ୟତଃ ନିର୍ଯାତିତା ମହିଳା, ବୟସ୍କ, ଅସମର୍ଥ, ମାନସିକ ଅନଗ୍ରସର, ହାଜତରେ ଥିବା ବ୍ୟକ୍ତିଙ୍କ ଅଭିଯୋଗ, ସାମାଜିକ ସୁଯୋଗରୁ ବଞ୍ଚିତ ଶିଶୁମାନଙ୍କ ଅଧିକାରକୁ ସୁରକ୍ଷା ଦେବା ଦିଗରେ ଅଗ୍ରାଧିକାର ଆକାରରେ ପଦକ୍ଷେପ ନେଇଆସିଛି । କ୍ରମଶଃ ଲୋକମାନେ ମାନବାଧିକାର ଉଲଂଘନ ଏକ ସାଂଘାତିକ ବ୍ୟପାର ବୋଲି ଉପଲବ୍ଧି କଲେଣି । ୨୦୨୧ ଡିସେମ୍ବର ୧ ତାରିଖ ସୁଦ୍ଧା ୨୮୯୧ ମାନବାଧିକାର ଉଲଂଘନ ପିଟିସନ୍ ଆୟୋଗରେ ଦାଖଲ ହୋଇଛି ।

ଓଡ଼ିଶା ମାନବାଧିକାର ଆୟୁକ୍ତର ଅଧ୍ୟକ୍ଷ ଜଷ୍ଟିସ୍ ବି.କେ. ପଟେଲ୍ ବିଶ୍ଵ ମାନବାଧିକାର ଦିବସ ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ । ଆଜିର ଏହି ଉତ୍ସବରେ ସଦସ୍ୟ ଜଷ୍ଟିସ୍ ରଘୁବୀର ଦାଶ, ସଦସ୍ୟ ଅସୀମ ଅମିତାଭ ଦାଶ, ଅତିରିକ୍ତ ଡିଜି ପୋଲିସ୍ ଇନ୍‌ଭେଷ୍ଟିଗେସନ୍ ପ୍ରଣବିନ୍ଦୁ ଆଚାର୍ଯ୍ୟ, ସଚିନ ସୁନୀଲ ନାୟକ, ରେଜିଷ୍ଟାର ଦିବ୍ୟଜ୍ୟୋତି ମହାପାତ୍ର, ସହକାରୀ ରେଜିଷ୍ଟାର ବିଶ୍ୱଜିତ୍ ଚନ୍ଦ୍ର ବର୍ମନ, ୩୦ ଜଣ ଆଇନ ଶିକ୍ଷାନବିଶ ଏବଂ ଆୟୁକ୍ତର ସମସ୍ତ ଉଚ୍ଚପଦାଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ