ଭୁବନେଶ୍ବର: ଦେଶରେ ମହିଳା ଓ ଶିଶୁ କନ୍ୟା ଉପରେ ବଢୁଥିବା ଅତ୍ୟାଚାର ଓ ଦୁଷ୍କର୍ମକୁ ନେଇ ଉଦବେଗ ପ୍ରକାଶ କରିଛନ୍ତି କେନ୍ଦ୍ର ସରକାର । ଏନେଇ କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳମାନଙ୍କୁ ଚିଠି ଲେଖିଛନ୍ତି । ସମସ୍ତ ରାଜ୍ୟର ମୁଖ୍ୟ ଶାସନ ସଚିବଙ୍କୁ ଏହି ଚିଠି ଲେଖାଯାଇଛି ।
ରାଜ୍ୟରେ ନାରୀମାନଙ୍କ ସୁରକ୍ଷା ସରକାରଙ୍କ ଦାୟିତ୍ବ ବୋଲି ଚିଠିରେ ଦର୍ଶାଇଛନ୍ତି କେନ୍ଦ୍ର ଗୃହସଚିବ । ଏନେଇ ଆଇନରେ କୋଠର ଦଣ୍ଡ ବ୍ୟବସ୍ଥା ରହିଥିବାବେଳେ ପୋଲିସ ଅଧିକ ସକ୍ରିୟ ହେବାକୁ ମଧ୍ୟ କୁହାଯାଇଛି । ଯଦି କୌଣସି ପୋଲିସ ଅଧିକାରୀ ତ୍ରୁଟି କରନ୍ତି ବା ସଠିକ କାର୍ଯ୍ୟ ସମ୍ପାଦନ କରିବାରେ ବିଫଳ ହୁଅନ୍ତି ତେବେ ସେ ନିଶ୍ଚୟ ଦଣ୍ଡିତ ହେବେ ବୋଲି ସୂଚାଇ ଦିଆଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
