ଭୁବନେଶ୍ବର: ଜନତା ମୈଦାନରେ ବିଜେପିର ବିଶାଳ ସମାବେଶ । ଜାତୀୟ ନାଗରିକତା ସଂଶୋଧନ ସପକ୍ଷରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଉଦବୋଧନ । ଏହି ଅବସରରେ ମଞ୍ଚରେ ଉପସ୍ଥିତ ସମସ୍ତ ନେତାଙ୍କୁ ସମ୍ବୋଧନ କରୁଥିଲେ ଶାହା । କିନ୍ତୁ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କୁ ଶାହାଙ୍କ ସମ୍ବୋଧନ ଥିଲା କିଛି ନିଆରା । ଷଡ଼ଙ୍ଗୀଙ୍କୁ ଓଡ଼ିଶାର ଗାନ୍ଧୀ ବୋଲି ମଞ୍ଚରେ କହିଥିଲେ ଶାହା ।
ବିଜେପିର ଚାଣକ୍ୟ ଭାବେ ପରିଚିତ ତଥା ମୋଦି ସରକାରର କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ତୁଣ୍ଡରେ ପ୍ରତାପ ଷଡ଼ଙ୍ଗୀଙ୍କୁ ଏପରି ସମ୍ବୋଧନରେ ମଞ୍ଚରେ ଗୁଞ୍ଜରି ଉଠିଥିଲା କରତାଳି । ଭାରତ ମାତା କି ଜାୟ ନାରାରେ କମ୍ପିଥିଲା ସମ୍ବୋଧନ ସଭା ।
ଗୋଟେପଟେ ଜାତୀୟ ସ୍ତରରେ ସର୍ବଦା ଚର୍ଚ୍ଚାରେ ରହିଆସୁଥିବା ପ୍ରତାପ ଷଡ଼ଙ୍ଗୀଙ୍କୁ ଅମିତ ଶାହାଙ୍କ ଏପରି ପ୍ରଶଂସା ପୁଣି ଥରେ ଚର୍ଚ୍ଚାର ଖୋରାକ ଯୋଗାଇଛି । ମୋଦି ସରକାରରେ ମନ୍ତ୍ରୀ ହେବା ପରେ କେଉଁଠି ନା କେଉଁଠି ପ୍ରତାପଙ୍କ ପ୍ରତି ଆନୁଗ୍ୟତ ବଢୁଥିବା ସ୍ପଷ୍ଟ ହୋଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
