ଭୁବନେଶ୍ବର: ସ୍ମାର୍ଟସିଟିରେ ପ୍ରବଳ ବର୍ଷା ଯୋଗୁଁ ସୁଇମିଂ ପୁଲର ଭ୍ରମ ସୃଷ୍ଟି କରିଛି। ଲଘୁଚାପଜନିତ ବର୍ଷାରେ ଭୁବନେଶ୍ବରରେ କୃତ୍ରିମ ବନ୍ୟା ସ୍ଥିତି ସୃଷ୍ଟି ହୋଇଛି । ସୋମବାର ସନ୍ଧ୍ୟାରେ ପ୍ରବଳ ବର୍ଷାରେ ଉବୁଟୁବୁ ହୋଇଥିଲା ପୁରା ସ୍ମାର୍ଟସିଟି । କେଉଁଠି ପୋଖରୀର ଭ୍ରମ ସୃଷ୍ଟି ହୋଇଥିଲା ତ ଆଉ କେଉଁଠି କୃତ୍ରିମ ବନ୍ୟା ସ୍ଥିତି ଦେଖାଦେଇଥିଲା ।
ବର୍ଷା ଯୋଗୁଁ ଓୟୁଏଟି ଶିରିପୁର ଛକ ନୂଆସହିର ରାସ୍ତା ରେ ଲହଡି ଭାଙ୍ଗୁଥିଲା ବର୍ଷା ଜଳ । ଫଳରେ ଗମନା ଗମନା ପାଇଁ ସମସ୍ୟା ଭୋଗିଥିଲେ ସ୍ଥାନୀୟ ଲୋକେ । ସେହିପରି ସିଆରପି ଛକ ଓଭର ବ୍ରିଜ ତଳେ ବର୍ଷା ପାଣି ଜମି ରହିଥିଲା । ଲକ୍ଷ୍ମୀସାଗର ସ୍ଥିତ ବରଗଡ଼ କେନାଲ କଲୋନୀରେ ଲୋକଙ୍କ ଘରେ ବର୍ଷା ଜଳ ପଶି ଯାଇଥିଲା । ଫଳରେ ଲୋକେ ନାହିଁ ନଥିବା ସମସ୍ୟାର ସମ୍ମୁଖିନ ହୋଇଥିଲେ । ବିଏମସି ପକ୍ଷରୁ କୋଟି କୋଟି ଟଙ୍କା ଡ୍ରେନେଜ ନିର୍ମାଣ ଓ ପୁନରୁଦ୍ଧାର ପାଇଁ ଖର୍ଚ୍ଚ ହେଉଛି ହେଲେ ଅବସ୍ଥା ଯଥା ପୂର୍ବଂ ତଥା ପରମ। ଯାହାଫଳରେ ସ୍ମାର୍ଟସିଟିରେ ଅସରାଏ ବର୍ଷା ହେଲେ ବନ୍ୟା ପରିସୃଷ୍ଟି ହେଉଛି।
ଭୁବନେଶ୍ବରରୁ ସଞ୍ଜିବ ରାୟ, ଇଟିଭି ଭାରତ
