କଟକ: ସୋସିଆଲ ମିଡିଆ ମାଧ୍ୟମରେ ସମସ୍ୟାର ସମାଧାନ କରିବ ସ୍ବାସ୍ଥ୍ୟ ବିଭାଗ । ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ 5T ଉପରେ ଗୁରୁତ୍ବ ଦେଇ କିଛି ସ୍ବାସ୍ଥ୍ୟାନୁଷ୍ଠାନକୁ ସୋସିଆଲ ମିଡିଆ ସହ ଯୋଡାଯାଇଛି । ଯାହାଦ୍ବାରା ସାଧାରଣ ଲୋକେ ସବୁ ସମୟରେ ପାଇବେ ସରକାରୀ ସୁବିଧା ।
ସାଧାରଣ ଜନତା ସୋସିଆଲ ମିଡିଆ ଜରିଆରେ ସ୍ବାସ୍ଥ୍ୟ ସୁବିଧା ସହଜରେ ପାଇପାରିବେ । ତେବେ ପ୍ରଥମ ପର୍ଯ୍ୟାୟରେ ଯୋଡାଯାଇଥିବା ପାଞ୍ଚୋଟି ହସ୍ପିଟାଲ ହେଲେ ଏସସିବି ମେଡିକାଲ, କ୍ୟାପିଟାଲ ହସ୍ପିଟାଲ, ରକ୍ତ ସୁରକ୍ଷା ନିର୍ଦ୍ଦେଶାଳୟ, କଟକ ଶିଶୁଭବନ ଓ ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ର ।
| ହସ୍ପିଟାଲ | ଟ୍ବିଟର | ଫେସବୁକ |
| କଟକ ଏସସିବି ମେଡିକାଲ | @Scbmchctc | https:www.facebook.com/SCBMCHCTC |
| କ୍ୟାପିଟାଲ ହସ୍ପିଟାଲ | @CapitalHospita4 | https:www.facebook.com/capitalhospital.bhubaneswar/ |
| ରକ୍ତ ସୁରକ୍ଷା ନିର୍ଦ୍ଦେଶାଳୟ | @OdishaSbtc | https:www.facebook.com/odishabloodsafety/ |
| କଟକ ଶିଶୁଭବନ | @svppgip | https:www.facebook.com/sishubhawanctc/ |
| ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ର | @AcharyaCancer | https:www.facebook.com/ahrcccuttack/ |
ତେବେ ଏହି ସବୁ ସଂସ୍ଥାର ଟ୍ବିଟର ଓ ଫେସବୁକ ଆକାଉଣ୍ଟକୁ ଯେକୌଣସି ସାଧାରଣ ନାଗରିକ ବ୍ୟବହାର କରି ନିଜ ସ୍ବାସ୍ଥ୍ୟ ସମସ୍ୟା ଜଣାଇପାରିବେ । ବୁର୍ଲା ସ୍ଥିତ ଭୀମସାର ଓ ବ୍ରହ୍ମପୁରର ଏମସିଜି ମେଜିକାଲ କଲେଜ କର୍ତ୍ତୃପକ୍ଷଙ୍କୁ ତୁରନ୍ତ ସୋସିଆଲ ମିଡିଆ ଆକାଉଣ୍ଟ କାର୍ଯ୍ୟକ୍ଷମ କରିବାକୁ ନିର୍ଦ୍ଦେଶ ଦିଆଯାଇଛି । ଲୋକଙ୍କ ଠାରୁ କୌଣସି ଆପତ୍ତି ଅଭିଯୋଗ ପାଇବା ମାତ୍ରେ ତୁରନ୍ତ ସମାଧାନ ସହ ଉଚ୍ଚ କର୍ତ୍ତୃପକ୍ଷଙ୍କ ଅବଗତ କରିବାକୁ ବିଭାଗକୁ କୁହାଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
