ଭୁବନେଶ୍ବର: ଦେଶରେ ବିଗୁଡିଛି କୋଭିଡ ସ୍ଥିତି । ପୂର୍ବବସ୍ଥାକୁ ଫେରିବା ପୂର୍ବରୁ ନେବାକୁ ପଡିବ ବଳିଷ୍ଠ ପଦକ୍ଷେପ । ଏନେଇ ଆଜି 11 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସ୍ବାସ୍ଥ୍ୟମନ୍ତ୍ରୀଙ୍କ କଥା ହେବେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ । ସନ୍ଧ୍ୟା 6ଟା 30 ମିନିଟ ସମୟରେ ଭିସି ଜରିଆରେ ହେବ ବୈଠକ । ଏହି ବୈଠକରେ ସାମିଲ ହେବେ ରାଜ୍ୟ ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସ ।
ଦେଶରେ ପୁଣି ଲକ୍ଷେ ପାର କରିଛି କୋରୋନା ସଂକ୍ରମଣ ମାମଲା । ମହାରାଷ୍ଟ୍ର, ଛତିଶଗଡ, ମଧ୍ୟପ୍ରଦେଶ, ଗୁଜୁରାଟ ଭଳି ରାଜ୍ୟରେ ପରିସ୍ଥିତି ଅଣାୟତ୍ତ ହୋଇଛି । ଓଡିଶାରେ ମଧ୍ୟ ସଂକ୍ରମଣ ଦ୍ରୁତ ଗତିରେ ବ୍ୟାପିବା ଆରମ୍ଭ କରିଛି । ଏନେଇ ରାଜ୍ୟର କୋରୋନା ସ୍ଥିତି ଓ ନିଆଯାଇଥିବା ପଦକ୍ଷେପ ଉପରେ ସମୀକ୍ଷା କରିବେ ହର୍ଷବର୍ଦ୍ଧନ । ଏହାସହ କେନ୍ଦ୍ର-ରାଜ୍ୟ ମଧ୍ୟରେ ଟିକାକୁ ନେଇ ଚାଲିଥିବା ଟଣାଓଟରା ନେଇ ବୈଠକରେ ଆଲୋଚନା ହୋଇପାରେ । ଏତଦବ୍ୟତୀତ ବିଶେଷ ଫୋକସରେ ରହିବ ସଂକ୍ରମଣ ବଢୁଥିବା 11 ରାଜ୍ୟ ।
ଭୁବନେଶ୍ବରରୁ ଭବାନୀଶଙ୍କର ଦାସ, ଇଟିଭି ଭାରତ
