ଭୁବନେଶ୍ବର: ଇନଫୋସିସ୍ ଥାନା ଶିଖରଚଣ୍ଡୀ ପାହାଡ ତଳୁ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର ଘଟଣା । ଯୁବକ ଜଣଙ୍କ ଆତ୍ମହତ୍ୟା କରିଥିବା ସୂଚନା ଦେଲେ ଭୁବନେଶ୍ବର ଡିସିପି । ମୃତ ଯୁବକ ଜଣଙ୍କ ହେଉଛନ୍ତି ନନ୍ଦନକାନନ ଥାନା ବାଲିପଡ଼ା ଗ୍ରାମର ଲଲାଟେନ୍ଦୁ ପ୍ରଧାନଙ୍କ ପୁଅ ଅବିନାଶ ପ୍ରଧାନ ।
ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଅଭିନାଶଙ୍କ ମୃତଦେହ ଶିଖରଚଣ୍ଡୀ ପାହାଡ ତଳୁ ଜବତ ହୋଇଥିଲା । ଏନେଇ ଖବର ପାଇଁ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା । ତେବେ ଅବିନାଶକୁ ହତ୍ୟା କରିବା ପରେ ହତ୍ୟାକାରୀ ମାନେ ମୃତଦେହକୁ ଜାଳି ଦେବାକୁ ଉଦ୍ୟମ କରିଥିବା ସନ୍ଦେହ କରାଯାଇଥିବା ବେଳେ ପରିବାର ଲୋକେ ପୁଅକୁ ହତ୍ୟା କରାଯାଇଥିବା ଅଭିଯୋଗ ଆଣିଥିଲେ । ତେବେ ଅବିନାଶ ମାନସିକ ଚିନ୍ତାରେ ଥିବାରୁ ତାଙ୍କୁ ହତ୍ୟା ନୁହେଁ ବରଂ ସେ ଆତ୍ମହତ୍ୟା କରିଥିବା କହିଛନ୍ତି ଡିସିପି ।
ତେବେ ଘଟଣା ସ୍ଥଳରୁ ଏକ ସୁଇସାଇଡ଼ ନୋଟ ଜବତ ପୋଲିସ ଜବତ କରିଥିବା ବେଳେ ନୋଟର ଅକ୍ଷର ପରିବାର ଲୋକେ ଚିହ୍ନଟ କରିଛନ୍ତି । କେଉଁ କାରଣ ଅବିନାଶ ମାନସିକ ଚିନ୍ତାରେ ରହୁଥିଲେ ସେନେଇ ତଦନ୍ତ ଚାଲିଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଭୁବନେଶ୍ବର ଡିସିପି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
