ଭୁବନେଶ୍ବର: ରାଜ୍ୟରେ ଲାଗୁ ହୋଇଥିବା ଆର୍ଥିକ କଟକଣାରେ କିଛିମାତ୍ରାରେ ହେଲା କୋହଳ । ଜରୁରୀ କାଳୀନ ପାଣ୍ଠି ବିନିଯୋଗକୁ କୋହଳ କଲେ ସରକାର ।
କୋଭିଡ ପାଇଁ ଖର୍ଚ୍ଚ ଉପରେ ରୋକ ଲଗାଇଥିଲେ ରାଜ୍ୟ ସରକାର। ଏବେ ଏଥିରେ କିଛିଟା କୋହଳ କରିଛନ୍ତି ସରକାର। ସରକାରୀ କର୍ମଚାରୀ କମ୍ପ୍ୟୁଟର, ଗୃହ ନିର୍ମାଣ, ଗାଡି କିଣା ଅଗ୍ରୀମ ନେଇ ପାରିବେ। ଜରୁରୀ କାଳୀନ ପାଣ୍ଠି ବିନିଯୋଗ ବି କୋହଳ ହୋଇଛି।
ଏନେଇ ବଜେଟର 75 ପ୍ରତିଶତ ପର୍ଯ୍ୟନ୍ତ ଖର୍ଚ୍ଚ ହୋଇପାରିବ ବୋଲି ସରକାର କହିଛନ୍ତି। ସେହିପରି ନୂଆ ଟେଣ୍ଡର ପାଇଁ ଅନୁମତି ଆବଶ୍ୟକ ନାହିଁ। ଜୁଲାଇ 7ରୁ କଟକଣା ଲାଗୁ କରିଥିଲେ ରାଜ୍ୟ ସରକାର ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
