ଭୁବନେଶ୍ବର: ରାଜ୍ୟ କଂଗ୍ରେସର ସାମ୍ବାଦିକ ସମ୍ମୀଳନୀ । ରାଜ୍ୟ କଂଗ୍ରେସ ମୁଖପାତ୍ର ନିଶୀକାନ୍ତ ମିଶ୍ର ସାମ୍ବାଦିକ ସମ୍ମୀଳନୀରେ ସରକାରଙ୍କୁ ଟାର୍ଗେଟ କରିଛନ୍ତି । ନିର୍ବାଚନ ପାଖେଇ ଆସିଲେ ରାଜ୍ୟ ସରକାର ନୂଆ ନୂଆ ଯୋଜନା ଆରମ୍ଭ କରନ୍ତି ବୋଲି କଂଗ୍ରେସ କହିଛି ।
ରାଜ୍ୟ ସରକାରଙ୍କୁ ଟାର୍ଗେଟ କରି କଂଗ୍ରେସ ମୁଖପାତ୍ର କହିଛନ୍ତି ଯେ ନିର୍ବାଚନ ପାଖେଇ ଆସିଲେ ରାଜ୍ୟ ସରକାର ନୂଆ ନୂଆ ଯୋଜନା ଆରମ୍ଭ କରନ୍ତି । ଭୁବନେଶ୍ବର ଉପକଣ୍ଠରେ କେନ୍ଦ୍ର ବେସାମରିକ ବିମାନ ଚଳାଚଳ ବିମାନବନ୍ଦର ସମ୍ପ୍ରସାରଣ ପାଇଁ ଚିଠି ଲେଖିଲା ପରେ, ସେତେବେଳେ ଜାଗା ଚିହ୍ନଟ କରିପାରିଲେନି ରାଜ୍ୟ ସରକାର । ଏବେ ପିପିଲି ଉପ ନିର୍ବାଚନକୁ ଦୃଷ୍ଟରେ ରଖି ପୁରୀରେ ଶ୍ରୀ ଜଗନ୍ନାଥ ଅନ୍ତର୍ଜାତୀୟ ବିମାନ ବନ୍ଦର ପ୍ରତିଷ୍ଠା ଲାଗି କେନ୍ଦ୍ରକୁ ଏକ ଚିଠି ଲେଖିଛନ୍ତି ।
ସେହିପରି 2014ରେ ରାଜ୍ୟ ସରକାର ଶ୍ରୀମନ୍ଦିର ଓ ପାରିପାର୍ଶ୍ବକୁ ନୋ ଫ୍ଲାଇଂ ଜୋନ କରିବାକୁ କେନ୍ଦ୍ରକୁ ପତ୍ର ଲେଖିଥିଲେ । ଏ ଦୁଇଟି ଚିଠି ଦେଖିଲେ ଜଣାପଡୁଛି ଯେ ଭୋଟ ରାଜନୀତିକୁ ଚରିତାର୍ଥ କରିବାକୁ ପୁରୀ ଜିଲ୍ଲା ଓ ପିପିଲିବାସୀଙ୍କୁ ଭ୍ରମିତ କରିଛନ୍ତି ସରକାର |
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
