ଭୁବନେଶ୍ବର: ନିଳାଚଳ ଇସ୍ପାତରୁ ପୁଞ୍ଜି ପ୍ରତ୍ୟାହାର ନେଇ କେନ୍ଦ୍ର କ୍ୟାବିନେଟର ନିଷ୍ପତ୍ତିକୁ ତୀବ୍ର ବିରୋଧ କରିବା ସହ କେନ୍ଦ୍ର ସରକାରଙ୍କୁ ଯୋରଦାର ସମାଲୋଚନା କରିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ଶ୍ରୀକାନ୍ତ ଜେନା । ଶ୍ରୀକାନ୍ତ ରବିବାର ଏକ ସାମ୍ବାଦିକ ସମ୍ମିଳନୀ କରି ସିଧାସଳଖ ହମଲା କରିଛନ୍ତି । ସେ ଅଭିଯୋଗ କରିଛନ୍ତି କେନ୍ଦ୍ରରେ ନରେନ୍ଦ୍ର ମୋଦି ଓ ଓଡିଶାରେ ନବୀନ ପଟ୍ଟନାୟକ ସରକାର ମିଳିମିଶି ଏହି ସଂସ୍ଥାକୁ ଘରୋଇ କମ୍ପାନୀ ହାତରେ ଟେକି ଦେବାକୁ ବସିଛନ୍ତି। ଆଦାନୀ, ଜିନ୍ଦଲ ଏହାର ପରିଚାଳନା କରିବେ।
ଜାଣିଶୁଣି ଏହି ସଂସ୍ଥାକୁ ଦେବାଳିଆ କରିଛନ୍ତି ସରକାର। ସେ ପ୍ରଶ୍ନ କରିଛନ୍ତି ଦୀର୍ଘବର୍ଷ ଧରି ଲାଭରେ ଚାଲୁଥିବା ନିଳାଚଳ ଇସ୍ପାତ ଦେବାଳିଆ ହେଲା କେମିତି ? ଏବେ 200 କୋଟି ଟଙ୍କାର କ୍ଷତି ସହିଥିବା ଏହି ସଂସ୍ଥାକୁ କଣ କେନ୍ଦ୍ର ବା ରାଜ୍ୟ ସରକାର ପୁନଃରୁଦ୍ଧାର କରିପାରିନଥାନ୍ତେ କି ବୋଲି ସେ ପ୍ରଶ୍ନ କରିଛନ୍ତି । ସେପଟେ ଏହାର ଜବାବ ରଖିଛି ବିଜେଡି ଓ କଂଗ୍ରେସ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
