ଭୁବନେଶ୍ବର: ଦଳ ବିରୋଧୀ କାର୍ଯ୍ୟ ପଡିଲା ମହଙ୍ଗା । ଦଳରୁ ନିଲମ୍ବିତ ହୋଇଛନ୍ତି ବିଜେଡି ନେତା ତଥା ପୁରୀ ସଦର ବ୍ଲକର ପୂର୍ବତନ ସମିତି ସଭ୍ୟ ପ୍ରଭାକର ସାମରଥା । ବିଜେଡିରେ ବୁଲୁଛି ଦଳ ବିରୋଧୀ ଦମନ ଖଣ୍ଡା । ଗତ ସପ୍ତାହ ମଧ୍ୟରେ ଦଳରୁ ନିଲମ୍ବନ ହେଲେଣି 20 ରୁ ଅଧିକ ନେତା । ନିଲମ୍ବିତ ନେତାଙ୍କ ବିରୋଧରେ ଆସୁଛି ଦଳ ବିରୋଧୀ ଅଭିଯୋଗ । ଆଜି ପୁଣି ଜଣେ ବିଜେଡି ନେତା ଦଳ ବିରୋଧୀ କାର୍ଯ୍ୟ କରି ଦଣ୍ଡିତ ହୋଇଛନ୍ତି । ସେ ହେଉଛନ୍ତି ପୁରୀ ସଦର ବ୍ଲକର ପୂର୍ବତନ ସମିତି ସଭ୍ୟ ପ୍ରଭାକର ସାମରଥା ।
ପ୍ରଭାକର ଗତ କିଛିଦିନ ହେବ ଦଳ ବିରୋଧୀ କାର୍ଯ୍ୟ କରୁଥିବା ନେଇ ଅଭିଯୋଗ ଆସିଥିଲା । ଆସିଥିବା ଅଭିଯୋଗ ପ୍ରମାଣିତ ହେବା ପ୍ରଭାକରଙ୍କୁ ନିଲମ୍ବନ କରିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ । ଏନେଇ ଦଳର ସାଧାରଣ ସମ୍ପାଦକ(ଗଣମାଧ୍ୟମ ବ୍ୟାପାର) ମାନସ ମଙ୍ଗରାଜ ସୂଚନା ଦେଇଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
