ଭୁବନେଶ୍ବର: ଖଣ୍ଡଗିରି ମେଳାକୁ ବୁଲି ଯାଉଛନ୍ତି କି ହୁସିଆର । କାରଣ ଆପଣ ଖାଉଥିବା ଚଟପଟି ଆଇଟମରେ ମିଶି ଥାଇପାରେ ରଙ୍ଗ । ଯାହା ଆପଣଙ୍କ ପାଇଁ କ୍ଷତିକାରକ । ଖାଦ୍ୟକୁ ଆଖିଦୃଷ୍ଟିଆ କରିବା ପାଇଁ ବ୍ୟବସାୟୀ ମାନେ ଏଭଳି କରୁଥିବା ନଜିର ରହିଛି । ଏମିତି କି ଖାଦ୍ୟ ପ୍ରସ୍ତୁତି ଓ ବିକ୍ରି କରାଯାଉଥିବା ସ୍ଥାନର ପାରିପାର୍ଶ୍ବିକ ପରିବେଶ ମଧ୍ୟ ଠିକ୍ ନଥାଏ। ବ୍ୟବସାୟୀଙ୍କ ମଧ୍ୟରେ ସଚେତନତା ସୃଷ୍ଟ କରିବା ପାଇଁ ଏଭଳି ତୃଟିକୁ ଯାଞ୍ଚ କରାଯାଉଛି ସୂଚନା ଦେଇଛନ୍ତି ତଦନ୍ତକାରୀ ଟିମ ।
ଚଢାଉରେ ଫୁଡ ଇନସ୍ପେକ୍ଟରଙ୍କ ସହ ବିଏମସି ର ଟିମ୍ ସାମିଲ ଅଛନ୍ତି । ଖାଦ୍ୟବିକ୍ରି ପାଇଁ ପ୍ରଶାସନର ଅନୁମତି ଦିଗରେ ଯାଞ୍ଚ କରାଯାଇଛି । ଆଜି (ବୁଧବାର) ପ୍ରଥମ କରି ଯାଞ୍ଚ କରାଯାଇଥିଲେ ମଧ୍ୟ ଖାଦ୍ୟ ପ୍ରସ୍ତୁତିରେ ଏତେଟା ତୃଟି ପରିଲକ୍ଷିତ ହୋଇ ନଥିଲା । ଦୁଇଜଣ ବ୍ୟବସାୟୀ ବିନା ଅନୁମତି ଖାଦ୍ୟ ବିକ୍ରି କରୁଥିବାରୁ ସେମାନଙ୍କ ଠାରୁ 1 ହଜାର ଟଙ୍କା ଲେଖାଏଁ ଫାଇନ ଆଦାୟ କରିଛି ଟିମ ।
ଖାଲି ଖଣ୍ଡଗିରି ମେଳା ନୁହେଁ ବୁଧବାର ଥିବା ସମ ହସ୍ପିଟାଲ ପାଖରେ ଥିବା ବିଭିନ୍ନ ଫାଷ୍ଟଫୁଡ ଷ୍ଟଲ ଓ ଅନେକ ହୋଟେଲରେ ଚଢାଉ କରାଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
