ଭୁବନେଶ୍ବର: ଆଜିଠୁ ଭୁବନେଶ୍ବରରୁ ରାଜସ୍ଥାନ ଜୟପୁରକୁ ଆରମ୍ଭ ହେବ ବିମାନ ସେବା । ସପ୍ତାହରେ ତିନି ଥର ଏହି ବିମାନ ଚଳାଚଳ ହେବ । ଭୁବନେଶ୍ବରରୁ ଜୟପୁରକୁ ସିଧାସଳଖ ଉଡିବ ବିମାନ । ଇଣ୍ଡିଗୋ ଏୟାରଲାଇନ ଏହି ସେବା ଯୋଗାଇବ ।
ରାତି ୯ଟା ୨୦ ମିନିଟରେ ଭୁବନେଶ୍ବରରୁ ଇଣ୍ଡିଗୋ ଛାଡିବ । ସେହିପରି ସନ୍ଧ୍ୟା ୬ଟା ୩୦ ମିନିଟରେ ଜୟପୁରରୁ ଛାଡିବ ବିମାନ । ଏହି ବିମାନ ସେବା ଆରମ୍ଭ ହେବା ଦ୍ଵାରା ମନ୍ଦିରମାଳିନୀ ଭୁବନେଶ୍ବର ଏବଂ ଗୋଲାପୀ ସହର ଜୟପୁର ମଧ୍ୟରେ ବିମାନ ଯାତ୍ରୀଙ୍କୁ ସୁବିଧା ମିଳିବ । ଏହାସହ ଉଭୟ ରାଜ୍ୟର ଅର୍ଥନୀତିକୁ ମଧ୍ୟ ମଜବୁତ୍ କରିବାରେ ସହାୟକ ହେବ । ଉଭୟ ରାଜ୍ୟରେ ଅନେକ ମନ୍ଦିର ଓ ପର୍ଯ୍ୟଟନ ସ୍ଥାନ ଥିବାବେଳେ ଶ୍ରଦ୍ଧାଳୁ ଏବଂ ପର୍ଯ୍ୟଟକମାନଙ୍କ ବୃହତ ସ୍ବାର୍ଥ ଦୃଷ୍ଟରୁ ଏହି ପଦକ୍ଷେପ ନିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
