ଭୁବନେଶ୍ୱର: ଶୁକ୍ରବାର ବସିବ ଭୁବନେଶ୍ବର ମହାନଗର ନିଗମର(BMC) ପ୍ରଥମ କାଉନସିଲ ବୈଠକ । ପାଖାପାଖି ୩ ବର୍ଷ କର୍ପୋରେସନ ଭୋଟ ହୋଇନଥିବା ଏହି ବୈଠକ ହୋଇପାରିନଥିଲା । ତେଣୁ ଚଳିତ ଥର ଦୀର୍ଘ ଅଢେଇ ବର୍ଷ ପରେ ଏହି ବୈଠକ ହେବାକୁ ଯାଉଛି । ମେୟରଙ୍କ ଅଧ୍ୟକ୍ଷତାରେ ବୈଠକ ହେବାକୁ ଥିବାବେଳେ ନବନିର୍ବାଚିତ ୬୭ କର୍ପୋରେଟରଙ୍କ ସମେତ ୩ ବିଧାୟକ ଓ ଭୁବନେଶ୍ୱର ସାଂସଦ ମଧ୍ୟ ଉପସ୍ଥିତ ରହିବେ ।
ଏଥର ୪୮ ଟି ବିଜେଡି ଓ ସ୍ୱାଧୀନ ୯ ଓ ୧୦ ଜଣ ବିଜେପି କର୍ପୋରେଟର ରହି ଥିବାବେଳେ ଶାସକ ଓ ବିରୋଧୀଙ୍କ ଭିତରେ ଆଲୋଚନା ଓ କଥା କଟାକଟି ମଧ୍ୟ ଜୋରଦାର ହେବ । ତେବେ ଭୁବନେଶ୍ୱର ବାସିନ୍ଦାଙ୍କ ସମସ୍ୟାର ସମାଧାନ ପାଇଁ ଏହି ବୈଠକ ଉପରେ ଲୋକଙ୍କର ଭରସା ରହିଥାଏ । ତେଣୁ ଏଥର ମୁଖ୍ୟତଃ ଜଳବନ୍ଦୀ ସମସ୍ଯା, ହିତାଧିକାରୀଙ୍କ ଭତ୍ତା ଅନିୟମିତତା ସହରର ପରିମଳ ବ୍ୟବସ୍ଥାରେ ଓ ଡେଙ୍ଗୁର ସଚେତନତା ଓ ନିରାକରଣ ଦିଗରେ ବିଶେଷ ଭାବେ ଆଲୋଚନା ହେବ ।
ସେପଟେ ସହରର ବିକାଶ ଓ ଅନେକ ସମସ୍ୟାର ସମାଧାନକୁ ନେଇ ଏହି ବୈଠକରେ ସକାରାତ୍ମକ ଆଲୋଚନା କରାଯିବ ବୋଲି କହିଛନ୍ତି ଭୁବନେଶ୍ବର ମେୟର ସୁଲୋଚନା ଦାସ ।
ଇଟିଭି ଭାରତ, ଭୁବନେଶ୍ବର
