ପୋଖରିପୁଟରେ ଭୟଙ୍କର ଅଗ୍ନିକାଣ୍ଡ; ଆଖି ପିଛୁଳାକେ ଜଳିଗଲା 20 ଦୋକାନ

ଭୁବନେଶ୍ବର: ରାଜଧାନୀର ପୋଖରିପୁଟରେ ଭୟଙ୍କର ଅଗ୍ନିକାଣ୍ଡ । ଅଗ୍ନିକାଣ୍ଡରେ ପୋଖରୀପୁଟ ନିକଟ ପେଟ୍ରୋଲ ପମ୍ପ ସାମ୍ନାରେ ଥିବା ପ୍ରାୟ 20ଟି ଉଠା ଦୋକାନ ପୋଡିଜଳି ପାଉଁଶ ହୋଇଯାଇଛି ।

ଅଗ୍ନିକାଣ୍ଡ କିପରି ହେଲା ତାହା ସ୍ପଷ୍ଟ ଜଣାପଡିନାହିଁ । ମାତ୍ର ଆପେ ଆପେ ହଠାତ ନିଆଁ ଲାଗିଥିବା ପ୍ରତ୍ୟକ୍ଷଦର୍ଶୀ କହିଛନ୍ତି । ନିଆଁ ଏତେ ଦ୍ରୁତ ଗତିରେ ମାଡି ଯାଇଥିଲା ଯେ ଆଖି ପିଛୁଳାକେ 20ଟି ଦୋକାନ ପୋଡିଜଳି ଛାରଖାର ହୋଇଯାଇଛି । ଅଗ୍ନିକାଣ୍ଡର ଖବର ପାଇବା ମାତ୍ର ୪ଟି ଦମକଳ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ଯମ କରୁଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ