ଭୁବନେଶ୍ବର: ଖେଳାଳିଙ୍କୁ ଦେଖିବାକୁ ହୋଟେଲ ଆଗରେ ଫ୍ୟାନ୍ସଙ୍କ ଖଚାଖଚ ଭିଡ । ଭୁବନେଶ୍ବରର ତାରକା ହୋଟେଲରେ ଭାରତ ଓ ୱେଷ୍ଟଇଣ୍ଡିଜ କ୍ରିକେଟ ଦଳର ଖେଳାଳି ପହଁଞ୍ଚିବା ମାତ୍ରେ ନିଜ ମନ ପସନ୍ଦ ଖେଳାଳିଙ୍କ ଗୋଟିଏ ଝଲକ ପାଇବାକୁ ସତେ ଯେମିତି ପାଗଳ ହୋଇଯାଇଥିଲେ ଫ୍ୟାନ୍ସ ।
ଖେଳାଳିଙ୍କୁ ଦେଖିବାକୁ ପାଗଳ ଫ୍ୟାନ୍ସ, ପ୍ରଥମ ପସନ୍ଦ ବିରାଟ
ଆସନ୍ତା 22 ତାରିଖ ରବିବାର କଟକ ସ୍ଥିତ ବାରବାଟୀରେ ଖେଳାଯିବ ତୃତୀୟ ଏକ ଦିବସୀୟ ମ୍ୟାଚ। ଉଭୟ ଦଳର ଖେଳାଳି ଭୁବନେଶ୍ବରର ହୋଟେଲରେ ପହଁଞ୍ଚିଛନ୍ତି । ସେଠାରେ ଜମିଥିଲା ଖେଳାଳିଙ୍କୁ ଦେଖିବା ପାଇଁ ଫ୍ୟାନ୍ସଙ୍କ ଭିଡ଼ । ତେବେ ଭିଡ଼ ଭିତରେ ଭାରତୀୟ ଟିମର କ୍ୟାପ୍ଟେନ ବିରାଟ କୋହଲିଙ୍କୁ ଦେଖିବା ପାଇଁ ବେଶ ଉତ୍ସାହିତ ଥିଲେ ଫ୍ୟାନ୍ସ । କିଏ ବିରାଟଙ୍କ ନାଁ ଥିବା ଜର୍ସି ପିନ୍ଧି ତ ଆଉ କିଏ ଅନେକ ଦୂରରୁ ଆସିଛି ବିରାଟଙ୍କ ଏକ ଝଲକ ପାଇବାକୁ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
