ଭୁବନେଶ୍ବର: ଭାରତୀୟ ଶିଳ୍ପ ମହାସଂଘ(ସିଆଇଆଇ) ପକ୍ଷରୁ 22ତମ ଏଣ୍ଟପ୍ରାଇଜ ଓଡିଶା-2019 କାର୍ଯ୍ୟକ୍ରମ ଆୟୋଜିତ ହେବ। ନଭେମ୍ବର 13ରୁ 16 ତାରିଖ ପର୍ଯ୍ୟନ୍ତ ଭୁବନେଶ୍ବର ଇଡକୋ ପ୍ରଦର୍ଶନୀ ପଡିଆରେ ଏହି କାର୍ଯ୍ୟକ୍ରମ ଆୟୋଜିତ ହେବ। ଆୟୋଜିତ ସାମ୍ବାଦିକ ସମ୍ମିଳନୀରେ ସିଆଇଆଇ ଓଡ଼ିଶା ରାଜ୍ୟ ପରିଷଦ ଉପାଧ୍ୟକ୍ଷ ଡ. ପ୍ରଦୀପ ମହାନ୍ତି ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ପାଖାପାଖି 20ହଜାର ବର୍ଗଫୁଟ ଜାଗାରେ ଏଣ୍ଟରପ୍ରାଇଜ ଓଡିଶା କାର୍ଯ୍ୟକ୍ରମ ଆୟୋଜିତ ହେବ। ଏଥିରେ ଦେଶର 200ରୁ ଅଧିକ କମ୍ପାନୀ ଭାଗ ନେବେ । କାର୍ଯ୍ୟକ୍ରମରେ ପ୍ରଡକ୍ସନ ଏବଂ ସେବା ସମ୍ବନ୍ଧୀୟ ପ୍ରଦର୍ଶନ କରାଯିବ । ଚଳିତ ବର୍ଷ ଓଡିଶା ମାଇନିଂ ଶୋ’ ଏବଂ ଇନୋଭେକ୍ସ ଓଡିଶା ନାମକ 2ଟି ଭିନ୍ନ ପ୍ରଦର୍ଶନୀର ଆୟୋଜନ କରାଯିବ । ତେବେ ଷ୍ଟାଟ୍ ଅଫ୍ କ୍ଷେତ୍ର ପାଇଁ ପ୍ରଦର୍ଶନୀରେ 20ରୁ ଅଧିକ ନିବେଶକ ଭାଗ ନେବେ ବୋଲି ଜଣାପଡ଼ିଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
