ଭୁବନେଶ୍ବର: ଶକ୍ତି ସରଂକ୍ଷଣକୁ ନେଇ ପାଠ ପଢିବେ ସ୍କୁଲ ପିଲା। ପାଠ୍ୟ ପୁସ୍ତକରେ ଏବେ ଶକ୍ତି ବ୍ୟବହାରକୁ ନେଇ ରହିବ ସ୍ବତନ୍ତ୍ର ପାଠ୍ୟକ୍ରମ। ସ୍କୁଲ ପାଠ୍ୟକ୍ରମରେ ରହିବ ଶକ୍ତି ସରଂକ୍ଷଣ ନେଇ ସ୍ବତନ୍ତ୍ର ବିଷୟ। ଛାତ୍ରଛାତ୍ରୀ ପିଲାବେଳୁ ଶକ୍ତିର ବ୍ୟବହାରିକ ଦିଗ ଉପରେ ଜାଣିବେ ଏବଂ ସଚେତନ ହେବେ। ଆଗକୁ ଯେପରି ଶକ୍ତିର ଅପବ୍ୟୟ ନହୁଏ ସେନେଇ ଯଥେଷ୍ଟ ଜ୍ଞାନର ଆବଶ୍ୟକତା ରହିଛି। ବିକଳ୍ପ ଶକ୍ତିର ଅନ୍ବେଷଣ ମଧ୍ୟ ଜରୁରୀ ।
ଶକ୍ତି ହେଉଛି ସଭ୍ୟତାର ପରିଚୟ। ଖାଲି ଯିବାଷ୍ମ ଇନ୍ଧନରୁ ଯେଉଁ ଶକ୍ତି ତିଆରି ହେଉଛି ସେତିକି ନୁହେଁ, ବିକଳ୍ପ ଶକ୍ତି ବିଷୟରେ ମଧ୍ୟ ଜାଣିବାକୁ ହେବ।ଭୁବନେଶ୍ବରରେ ଜାତୀୟ ଶକ୍ତି ସଂରକ୍ଷଣ ଦିବସ ଉପଲକ୍ଷେ ଏହା କହିଛନ୍ତି ଶକ୍ତିମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର। ସମଗ୍ର ଦୁନିଆ ପାଇଁ ଶକ୍ତି ଏବେ ଚିନ୍ତାର କାରଣ ପାଲଟିଛି। ଏହି ଅବସରରେ ଶକ୍ତି ସଂରକ୍ଷଣ ଓ ବିକଳ୍ପ ଶକ୍ତି ଉତ୍ସ ବ୍ୟବହାରକୁ ଗୁରୁତ୍ବ ଦେବାର ଆବଶ୍ୟକତା ରହିଛି ବୋଲି ମନ୍ତ୍ରୀ କହିଛନ୍ତି।
ଶକ୍ତି ସଂରକ୍ଷଙ୍କୁ ରାଜ୍ୟ ସରକାର ପ୍ରାଥମିକତା ଦେଉଛନ୍ତି। ଏନେଇ ଜନସଚେତନତା ଉପରେ ଗୁରୁତ୍ବ ଦେବା ସହ ସ୍କୁଲରୁ ଛୋଟ ଛୋଟ ପିଲାମାନଙ୍କୁ ଉର୍ଜା ଶକ୍ତିର ବ୍ୟବହାରିକ ଦିଗ ଉପରେ ଗୁରୁତ୍ବ ଦେବାକୁ ଯାଇ ସ୍କୁଲ ପାଠ୍ୟକ୍ରମରେ ରହିବ ସ୍ବତନ୍ତ୍ର ବିଷୟ। ସମାଜର ସବୁ ବର୍ଗଙ୍କୁ ନେଇ ଶକ୍ତି ସଂରକ୍ଷଣର ଦୃଢ଼ ମନୋବଳ ଉପରେ ଗୁରୁତ୍ବ ଦିଆଯିବ ବୋଲି କହିଛନ୍ତି ମନ୍ତ୍ରୀ ।
ଓଡିଶା ରାଜ୍ୟରେ ବାର୍ଷିକ ପ୍ରାୟ ୨୭ ହଜାର ମିଲିୟନ ୟୁନିଟ ଆବଶ୍ୟକ। ରାଜ୍ୟ ସରକାର ଶକ୍ତି କ୍ଷେତ୍ରରେ ଯଥେଷ୍ଟ ସଚେତନ ଅଛନ୍ତି ଏବଂ ନିଅଣ୍ଟିଆ ବିଦ୍ୟୁତ ଉତ୍ପାଦନର ସ୍ଥିତି ନାହିଁ ବରଂ ସର୍ବଭାରତୀୟ ସ୍ତରରେ ଓଡ଼ିଶା ବଳକା ବିଦ୍ୟୁତ ରାଜ୍ୟ ଭାବେ ପରିଚିତ।ତେବେ ପ୍ରଥମକରି ରାଜ୍ୟରେ ସଚେତନତା ଆଧାରରେ ଶକ୍ତି ସଂରକ୍ଷଣ ଉପରେ ଗୁରୁତ୍ବ ଦେବା ସହ ଆଗକୁ ନୂଆ ବିଲ୍ଡିଂ ନିର୍ମାଣ ସମୟରେ ନୂଆ କୋର୍ଡ ବ୍ୟବସ୍ଥା କରାଯିବ। ଏନର୍ଜି ସେଭିଂ ବିଲ୍ଡିଂ ପ୍ଲାନ କାର୍ଯ୍ୟକାରୀ କରାଯିବ ବୋଲି ଶକ୍ତି ସଚିବ ତଥା କମିଶନର ବିଷ୍ଣୁପଦ ସେଠି କହିଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ,ଇଟିଭି ଭାରତ
