ଭୁବନେଶ୍ବର: ମହାତ୍ମାଗାନ୍ଧୀଙ୍କୁ ନେଇ ଶିକ୍ଷା ବିଭାଗର ଭୁଲ ତଥ୍ୟ । ଗୋଟିଏ ପଟେ ଦେଶ ଗାନ୍ଧୀଙ୍କ 150 ତମ ଜନ୍ମ ଜୟନ୍ତୀଙ୍କୁ ଜୋରସୋରରେ ପାଳନ କରୁଥିବାବେଳେ ଗାନ୍ଧୀଙ୍କୁ ନେଇ ଭୁଲତଥ୍ୟ ଆଗାମୀ ପିଢିକୁ ଦେଉଛି ଶିକ୍ଷାବିଭାଗ ।
ସୂଚନା ଅନୁସାରେ, ଗାନ୍ଧୀଙ୍କର 150 ତମ ଜନ୍ମ ଜୟନ୍ତୀ ଅବସରରେ ଗଣଶିକ୍ଷା ବିଭାଗ ପକ୍ଷରୁ ସବୁ ସ୍କୁଲରେ ବଣ୍ଟାଯାଇଥିବା ଲିଫଲେଟ ବଣ୍ଟାଯାଇଥିଲା । ଉକ୍ତ ଲିଫଲେଟରେ ଏପରି ଭୁଲତଥ୍ୟ ଦିଆଯାଇଛି । ଯେଉଁଥିରେ ଲେଖା ଯାଇଛି ଜାନୁଆରୀ 30, 1948 ମସିହାରେ ଏକ ଆକସ୍ମିକ ଘଟଣାରେ ଗାନ୍ଧୀଙ୍କର ମୃତ୍ୟୁ ହୋଇଛି।
ତେବେ ଏ ତଥ୍ୟ ପଢିଲେ ଜଣେ ମୁର୍ଖ ଲୋକକି ଠଉରେଇ ଦେବ ଏହା କେତେ ସତ୍ୟ ଓ କେତେ ମିଥ୍ୟା। ତେବେ ସେ ଯାହାବି ହଉ ତଥ୍ୟଟି ସମ୍ପୂର୍ଣ୍ଣ ଭୁଲ ଦର୍ଶାଯାଇଛି। ଏମିତିକି ଲିଫଲେଟର କୌଣସି ସ୍ଥାନରେ ଗାନ୍ଧୀଙ୍କୁ ହତ୍ୟା କରିଥିବା ନାଥୁରାମ ଗଡ଼ସେ କଥା ଉଲ୍ଲେଖ କରାଯାଇନାହିଁ।
ଏହି ଘଟଣାକୁ ନେଇ ମିଳିତ ଭାବେ ଲୋହିଆ ଏକାଡେମୀ ଓ ରାଷ୍ଟ୍ରୀୟ ଯୁବା ସଂଗଠନ ପକ୍ଷରୁ ବିରୋଧ କରାଯାଇଛି। ଯେଉଁ ବ୍ୟକ୍ତି ଏହାକୁ ଲେଖିଛନ୍ତି ତାଙ୍କ ଉପରେ କଡା କାର୍ଯ୍ୟାନୁଷ୍ଠାନ ପାଇଁ ସଙ୍ଗଠନ ଦାବି କରିତଛି।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ