ଭୁବନେଶ୍ବର: ଦୀପାବଳି ପୂର୍ବରୁ ପୂର୍ବତଟ ରେଳବାଇର ଚେତାବନୀ । ଟ୍ରେନରେ ବିସ୍ଫୋରକ ପଦାର୍ଥ ବା ବାଣ ପରିବହନକୁ ନେଇ କଡାକଡି ନିୟମ । ଧରାପଡିଲେ 3 ବର୍ଷ ଜେଲଦଣ୍ଡ ।
ଦୀପାବଳି ପୂର୍ବରୁ ବାଣ ବିସ୍ପୋରକ ପଦାର୍ଥ ପରିବହନକୁ କଡାକଡି କଲା ପୂର୍ବତଟ ରେଳପଥ । ଟ୍ରେନରେ ଏପରି ପଦାର୍ଥକୁ ପରିବହନ ନକରିବାକୁ ଏକ ସ୍ବତନ୍ତ୍ର ଅଭିଯାନ କରିଛି ପୂର୍ବତଟ ରେଳବାଇ ।
ଏନେଇ ପୂର୍ବତଟ ରେଳବାଇ ପକ୍ଷରୁ ଏକ ସ୍ବତନ୍ତ୍ର ଅଭିଯାନ ଆରମ୍ଭ ହୋଇଛି । ଟ୍ରେନରେ ଯେପରି ଭାବରେ ବିସ୍ପୋରକ ଦ୍ରବ୍ୟ ପରିବହନ ନହୁଏ ସେନେଇ ଚେତାବନୀ ଦେଇଛି ପୂର୍ବତଟ ରେଳବାଇ । 1989 ଆକ୍ଟ ଅନୁସାରେ ଟ୍ରେନରେ ଏପରି ଦ୍ରବ୍ୟ ପରିବହନ କରୁଥିଲେ 3ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ବିଧାନ ରହିଛି । ଏଥିପାଇଁ ସମସ୍ତ ଯାତ୍ରୀଙ୍କୁ ମଧ୍ୟ ଅବଗତ କରାଯାଇଛି ।
ଯଦି କୌଣସି ଯାତ୍ରୀ ଏପରି କିଛି ଦେଖନ୍ତି ତେବେ ନିକଟସ୍ଥ ଅଧିକାରୀଙ୍କୁ ଜଣାଇବା ପାଇଁ ଅନୁରୋଧ କରିଛି ପୂର୍ବତଟ ରେଳପଥ । ଏହାକୁ ନେଇ ରେଳବାଇ ପକ୍ଷରୁ ସାଧାରଣ ଲୋକଙ୍କ ଏକ 182 ହେଲ୍ପ ଲାଇନ୍ ନମ୍ବର ଜାରି କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
