ଭୁବନେଶ୍ବର: ଅନେକ ସମୟରେ ଗାଡି ଚାଳକମାନେ ବିସ୍କୁଟ ଜରି, କଦଳୀ ଚୋପା, ଚୁଇଙ୍ଗମ ଭଳି ଅଳିଆ ଅବର୍ଜନା ରାସ୍ତା ପିଙ୍ଗି ଦିଅନ୍ତି । ଯଦ୍ବାରା ଅନ୍ୟ ପଥଚାରୀମାନେ ଏନେଇ ଅସୁବିଧାର ସମ୍ମୁଖୀନ ହୋଇଥାନ୍ତି । ଏଥିସହିତ ପରିବେଶ ମଧ୍ୟ ଅପରିଷ୍କାର ହୋଇଥାଏ । ଏହି କ୍ରମରେ ଲୋକଙ୍କୁ 'ସ୍ବଚ୍ଛ ଭାରତ' ଅଭିଯାନରେ ସାମିଲ କରାଇବା ଉଦ୍ଦେଶ୍ୟରେ ମଙ୍ଗଳବାର ମାରୱାଡି ଯୁବାମଞ୍ଚ ଅନୁଷ୍ଠାନ ପକ୍ଷରୁ 'ଡଷ୍ଟବିନ ବଣ୍ଟନ' କାର୍ଯ୍ୟକ୍ରମ ଆରମ୍ଭ କରାଯାଇଛି ।
ଭୁବନେଶ୍ବର ଏଜି ଛକ ଠାରୁ ଟ୍ରାଫିକ ଏସିପି କିଶୋର କୁମାର ପାଣିଗ୍ରାହୀ ଏହି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି । ଏହି କ୍ରମରେ ସାରା ରାଜ୍ୟରେ ପାଖାପାଖି 30 ହଜାର ଡ଼ଷ୍ଟବିନ ବଣ୍ଟନ କରାଯିବ ବୋଲି ଅନୁଷ୍ଠାନର ଅଧ୍ୟକ୍ଷ ମୁନା ଲାଲ ଅଗ୍ରୱାଲ କହିଛନ୍ତି । ଆୟୋଜିତ ଡଷ୍ଟବିନ ବଣ୍ଟ କାର୍ଯ୍ୟକ୍ରମରେ ଅନୁଷ୍ଠାନର ବରିଷ୍ଠ ସଦସ୍ୟ ରମାଶଙ୍କର ରୁଙ୍ଗଟା, ଭାଗ୍ୟଶ୍ରୀ ଅଗ୍ରୱାଲ, ଅରୁଣ ଅଗ୍ରୱାଲ, ଆଶିଷ ରାମ ପ୍ରମୁଖ ଉପସ୍ଥିତ ଥିଲେ । ଲୋକମାନଙ୍କୁ ସଚେତନ କରିବା ସହିତ ସ୍ବଚ୍ଛ ଭାରତ ଅଭିଯାନରେ ସାମିଲ ହୋଇ ପରିବେଶ ସୁରକ୍ଷାରେ ନିୟୋଜିତ ହେବାକୁ ନିବେଦନ କରିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
