ଭୁବନେଶ୍ବର: ପୂଜା ପାଇଁ ପ୍ରସ୍ତୁତ କମିସନରେଟ ପୋଲିସ। ଏହାକୁ ଦୃଷ୍ଟିରେ ରଖି ପୂଜା ପେଣ୍ଡାଲ ସହ ସହର ଭିତରେ ସୁରକ୍ଷା ବ୍ୟବସ୍ଥାକୁ କଡାକଡି କରିଛି। ଏନେଇ ସ୍ବତନ୍ତ୍ର ଆଡଭାଇଜାରି ଜାରି କରାଯିବା ସହ ରାଜଧାନୀରେ ୩୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବ ବୋଲି ଭୁବନେଶ୍ବର ଡିସିପି ସୂଚନା ଦେଇଛନ୍ତି ।
ରାଜଧାନୀରେ ୧୭୪ଟି ଛୋଟବଡ ପୂଜା ମଣ୍ଡପରେ ରହିବ ସ୍ବତନ୍ତ୍ର ନଜର। ଏଥିପାଇଁ ଲାଇସେନ୍ସ ସେଲ ପକ୍ଷରୁ ପୂଜା ମଣ୍ଡପକୁ ଅନୁମତି ଦିଆଯାଇଛି। ଅପରାଧି ଓ ଅପରାଧ ନିୟନ୍ତ୍ରଣ ପାଇଁ ପଇଁତରା ମାରିବେ ସ୍ପେଶାଲ ଟାକ୍ଟିକାଲ ୟୁନିଟ,କାଉଣ୍ଟର ଟେରୋରିଷ୍ଟ ସ୍କ୍ବାଡ ସହ ସ୍ପେଶାଲ ସ୍କ୍ବାଡ ଓ କୁଇକ ଆକ୍ସନ ଟିମ।
ପିସିଆର ପାଟ୍ରୋଲିଂକୁ ସ୍ବତନ୍ତ୍ର ଢାଞ୍ଚାରେ ମୁତୟନ କରାଯିବ। ତୁରନ୍ତ ଅପରାଧିକୁ ଧରିବା ଓ ନିୟନ୍ତ୍ରଣ ପାଇଁ ସିସିଟିଭି କ୍ୟାମେରା ବିଭିନ୍ନ ସ୍ଥାନରେ ଲଗା ଯାଇଛି। ଏହାସହ ଚାନ୍ଦି ମେଢ ନିକଟରେ ବନ୍ଧୁକଧାରି ପୋଲିସ କର୍ମଚାରି ମୁତୟନ ରହିବେ।
ଏହାସହ ଟ୍ରାଫିକ ନିୟନ୍ତ୍ରଣ ପାଇଁ ରହିବ ସ୍ବତନ୍ତ୍ର ବ୍ୟବସ୍ଥା ଏଥିପାଇଁ ପ୍ରସ୍ତୁତ କରାଯାଇଛି ବ୍ଲୁପ୍ରିଣ୍ଟ। ଶବ୍ଦ ପ୍ରଦୁଷଣ ରୋକିବାକୁ ଚଳିତଥର ସ୍ବତନ୍ତ୍ର ପଦକ୍ଷେପ ନିଆଯାଇଛି । ତେବେ ୫ଟି ସ୍ଥାନରେ ରାବଣ ପୋଡି ପାଇଁ ଅନୁମତି ଦେବାକୁ ଯୋଜନା ରହିଥିବାବେଳେ କମିସନରେଟ ପୋଲିସର ସ୍ବତନ୍ତ୍ର ଟିମ ଭେରିଫେକସନ ପରେ ଅନୁମତି ଦିଆଯିବ ବୋଲି ଡିସିପି ଅନୁପ ସାହୁ ସୂଚନା ଦେଇଛନ୍ତି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
