ଭୁବନେଶ୍ବର: ପଞ୍ଚାୟତ ନିର୍ବାଚନ (Panchayat Election) ପରେ ପରେ ପୌର ନିର୍ବାଚନ (Municipal Election) ପାଇଁ ପଥ ପରିଷ୍କାର କରୁଛନ୍ତି ରାଜ୍ୟ ସରକାର । ଗୋଟିଏ ପରେ ଗୋଟିଏ ପ୍ରକ୍ରିୟା ଦେଇ ପୌର ନିର୍ବାଚନ ପାଇଁ ଆଗକୁ ବଢୁଛନ୍ତି ସରକାର । ଏହି କ୍ରମରେ ଆଜି ରାଜ୍ୟର 3 ଟି ପ୍ରମୁଖ ମହାନଗର ନିଗମର ମେୟର ( Draft notification issued regarding reservation of three mayor posts) ସଂରକ୍ଷଣ ତାଲିକା ପ୍ରକାଶ ପାଇଛି । ଏ ନେଇ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ବିଜ୍ଞପ୍ତି ଅନୁସାରେ, ଭୁବନେଶ୍ବର ମହାନଗର ନିଗମ (BMC), ବ୍ରହ୍ମପୁର ମହାନଗର ନିଗମ(BRMC) ର ମେୟର ପଦବୀ ମହିଳା ବର୍ଗଙ୍କ ପାଇଁ ସଂରକ୍ଷିତ ହୋଇଛି । ସେହିପରି କଟକ ମହାନଗର ନିଗମ (CMC) ମେୟର ପଦବୀ ଅଣସଂରକ୍ଷିତ ବର୍ଗଙ୍କ ପାଇଁ ଉଦ୍ଦିଷ୍ଟ ରହିଛି । ତେବେ କାହାର କିଛି ଆପତ୍ତି ବା ପରାମର୍ଶ ଥିଲେ ୧୫ ଦିନ ମଧ୍ୟରେ ଜଣାଇପାରିବେ ବୋଲି ପ୍ରକାଶ ପାଇଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
