ଭୁବନେଶ୍ବର: ରାଜ୍ୟ କଂଗ୍ରେସରେ ସଭାପତି ପଦକୁ ନେଇ ଦେଖାଦେଇଥିବା କେଁ ଏବେ ଚରମ ସୀମାରେ ପହଞ୍ଚିଛି । ଏନେଇ ଆସନ୍ତା 10ରେ କଂଗ୍ରେସର କିଛି ନେତା ଦିଲ୍ଲୀ ଗସ୍ତ କରିବାର କାର୍ଯ୍ୟକ୍ରମ ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ଗସ୍ତ ସମୟରେ ଦଳର ଅସନ୍ତୁଷ୍ଟ ଗୋଷ୍ଠୀ ସୋନିଆ ଗାନ୍ଧୀଙ୍କୁ ଭେଟି ପିସିସି ପଦରୁ ନିରଞ୍ଜନ ପଟ୍ଟନାୟକଙ୍କୁ ହଟାଇବାକୁ ଦାବି କରିବେ । ହେଲେ ଏହି ମେଳିକୁ ବିରୋଧ କରିଛନ୍ତି କଂଗ୍ରେସର ବରିଷ୍ଠ ନେତା ତାରା ବାହିନୀପତି । ସେ କହିଛନ୍ତି ଯେ, ଏପରି ହେବା ଠିକ୍ ନୁହେଁ ।
ଲଗାତାର ପରାଜୟ ପରେ ଦଳ ଧରାଶାୟୀ ହୋଇଛି । ଲୋକେ କଂଗ୍ରେସ ଉପରୁ ମୁହଁ ଫେରାଉଛନ୍ତି । ଏଭଳି ଏକ ଘଡିସନ୍ଧି ମୂହୂର୍ତ୍ତରେ ଅସନ୍ତୁଷ୍ଟ ଗୋଷ୍ଠୀ ଦିଲ୍ଲୀ ଯିବା ଠିକ୍ ନୁହେଁ ବୋଲି ତାରା ବାହିନୀପତି କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
