ଭୁବନେଶ୍ବର: ମହାମାରୀ କୋରୋନାର ଦ୍ବିତୀୟ ଲହରୀ ଜୁଆରରେ ଭଟ୍ଟା ପଡିଲା ପରେ ଧିରେଧିରେ ପରିସ୍ଥିତି ସ୍ବାଭାବିକ ଅବସ୍ଥାକୁ ଫେରୁଛି । ରାଜ୍ୟରେ ସ୍କୁଲ, କଲେଜ, ଦେବାଳୟ ପରେ ଏବେ ପର୍ଯ୍ୟଟନ ସ୍ଥଳୀ ମଧ୍ୟ ଖୋଲିଛି । ଏହିକ୍ରମରେ ଦୀର୍ଘ 5 ମାସ ପରେ ଖୋଲିଛି ଧଉଳିଗିରିର ଶାନ୍ତିସ୍ତୁପ । ଏନେଇ ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଥିଲା ।
କୋରୋନା କଟକଣା ମଧ୍ୟରେ ଧଉଳିଗିରିରେ ପର୍ଯ୍ୟଟକଙ୍କ ପ୍ରବେଶକୁ ଅନୁମତି ଦିଆଯାଇଛି । ଶାନ୍ତିସ୍ତୁପ ଖୋଲିବା ନେଇ ଅଗଷ୍ଟ 23ରୁ ପ୍ରଶାସନ ପକ୍ଷରୁ ମିଳିସାରିଥିଲା ଅନୁମତି । ତେବେ ସାନିଟାଇଜର ବ୍ୟବହାର ସହିତ ମାସ୍କ ପରିଧାନ କରି ଶାନ୍ତିସ୍ତୁପ ପରିଭ୍ରମଣ କରିପାରିବେ ।
ଶାନ୍ତିସ୍ତୁପ ଖୋଲିବା ପରେ ପର୍ଯ୍ୟଟକଙ୍କ ମହଲରେ ଖୁସି ଦେଖିବାକୁ ମିଳିଛି । ପୁନର୍ବାର ଧଉଳିଗିରିରେ ଲାଇଟ ଆଣ୍ଡ୍ ସାଉଣ୍ଡ ସୋ'ର ମଜା ନେଇପାରିବେ ପର୍ଯ୍ୟଟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
