ଭୁବନେଶ୍ବର: ଏସସିବି ମେଡିକାଲ ପ୍ଲାଜମା ଥେରାପିରେ ଉଲ୍ଲେଖନୀୟ ସଫଳତା ହାସଲ କରିଛି । ଏସସିବି 100 ଜଣ କୋରୋନା ମୁକ୍ତ ରୋଗୀଙ୍କ ଠାରୁ ପ୍ଲାଜମା ହାସଲ କରିବା ସହ ସଫଳତା ସହ ପ୍ରୟୋଗ କରିପାରିଛି । ସେଥିପାଇଁ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ପ୍ଲାଜମା ଥେରାପି ଟିମକୁ ଶୁଭେଚ୍ଛା ବାର୍ତ୍ତା ଦିଆଯାଇଛି । ଏହି କାର୍ଯ୍ୟରେ ନିଯୁକ୍ତ ଥିବା ନୋଡାଲ ଅଫିସରଙ୍କୁ ମଧ୍ୟ ବିଭାଗ ପକ୍ଷରୁ ଧନ୍ୟବାଦ ଦିଆଯାଇଛି । ଏନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ଟ୍ବିଟରରେ ଉଲ୍ଲେଖ କରାଯାଇଛି ।
ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ଟ୍ବିଟରରେ ଲେଖାଯାଇଛି ଯେ, ‘100 ପ୍ରୋସିଡୁଅର ହାସଲ ପାଇଁ ତଥା 100 ଜଣ କୋରୋନା ମୁକ୍ତ ରୋଗୀଙ୍କ ଠାରୁ ପ୍ଲାଜମା ହାସଲ କରିବା ସକାଶେ ଏସସିବି ମେଡିକାଲର ପ୍ଲାଜମା ଥେରାପିର ଟିମକୁ ହାର୍ଦ୍ଦିକ ଅଭିନନ୍ଦନ । ଏହି ପ୍ରଶଂସନୀୟ କାର୍ଯ୍ୟ ପାଇଁ ନୋଡାଲ ଅଧିକାରୀ ଡ. ସ୍ମିତା ମହାପାତ୍ରଙ୍କୁ ଅଶେଷ ଧନ୍ୟବାଦ। ସ୍ୱାଧୀନତା ଦିବସ ଅବସରରେ ଦଳକୁ ଶୁଭେଚ୍ଛା ।’
ବ୍ୟୁରୋ ରିପୋର୍ଟ, ଇଟିଭି ଭାରତ
