ଭୁବନେଶ୍ବର: ଜୋର ଧରିଛି ସମ୍ବଲପୁରରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି । ଏନେଇ ଗାନ୍ଧୀ ମାର୍ଗରେ ଗର୍ଜିଲା ପଶ୍ଚିମ ଓଡିଶା ଓକିଲ ସଂଘ । ପଶ୍ଚିମ ଓଡ଼ିଶାର ଶହ ଶହ ଓକିଲ ସରକାରଙ୍କୁ ସେମାନଙ୍କର ଦାବି ପୂରଣ ପାଇଁ ଅନୁରୋଧ କରିଥିଲେ।
ତେବେ ସୂଚନା ଅନୁଯାୟୀ, ପଶ୍ଚିମ ଓଡ଼ିଶାର ଓକିଲ ମାନେ ଏକାଠି ହୋଇ ଲୋୟର ପିଏମଜିରେ ଏକାଠି ହୋଇ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ରେ ସରକାର ବିରୋଧୀ ନାରାବାଜି କରିଥିଲେ । ସେମାନଙ୍କ ଦାବି ପୂରଣ ନେଇ ଅନୁରୋଧ କରିଥିଲେ। ମୁଖ୍ୟମନ୍ତ୍ରୀ ଆଲୋଚନା ଓ ପ୍ରତିଶୃତି ଦେଇଥିବା ବେଳେ ଏଯାବତ ଏହି ଦିଗରେ କୌଣସି କାର୍ଯ୍ୟକାରୀ ହୋଇନାହିଁ । ଏହାକୁ ନେଇ ସଂଘ ଉଦବେଗ ପ୍ରକାଶ କରିଥିବା ବେଳେ କାହିଁକି ଆମ ପ୍ରତି ସରକାର ଏଭଳି ବୈମାତୃକ ଭାବ ଦେଖାଉଛନ୍ତି ବୋଲି ଏନେଇ ଦାବି କରିଛନ୍ତି। ତେଣୁ ପଶ୍ଚିମ ଓଡ଼ିଶାର ସ୍ବାର୍ଥକୁ ନଜରରେ ରଖି ସରକାର ଏ ଦିଗରେ କ୍ରିୟାଶୀଳ ହୁଅନ୍ତୁ ବୋଲି ଦାବି କରିଛି ସଂଘ ।
ତେବେ ଏନେଇ ଯଦି ଆଗାମୀ ଦିନରେ ସରକାର ସେମାନଙ୍କ ଦାବି ନ ଶୁଣନ୍ତି ଶୁଣନ୍ତି ବା ଏନେଇ କୌଣସି ପଦକ୍ଷେପ ନ ନିଅନ୍ତି ତେବେପଶ୍ଚିମ ଓଡିଶାରୁ ଆସି ଭୁବନେଶ୍ବରରେ ଆନ୍ଦୋଳନ କରିଥିବା ସଂଘ ଆଗାମୀ ଦିନରେ ଆନ୍ଦୋଳନ କୁ ଜୋରଦାର କରିବ । ଯାହାର ସ୍ବର ପୁରା ଓଡିଶାରେ ଶୁଣା ଯିବା ନେଇ ଚେତାବନୀ ଦେଇଛନ୍ତି ।
ଅନ୍ୟପଟେ ଓକିଲ ସଂଘର ଏହି ଆନ୍ଦୋଳନର ସମାଧାନକୁ ନେଇ ରାଜ୍ୟ ସରକାରଙ୍କ ସହ ତିନି ଆଇନ ମନ୍ତ୍ରୀ ଆଲୋଚନା କରିଛନ୍ତି । ଆଇନ ମନ୍ତ୍ରୀ ଜଗନାଥ ସାରକା ସ୍ବାସ୍ଥ୍ୟ ମନ୍ତ୍ରୀ ନବ ଦାସ ଏବଂ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଆସି ସେମାନଙ୍କ ସହ ଆଲୋଚନା କରିଥିଲେ। କିନ୍ତୁ ଆଲୋଚନା ବିଫଳ ହୋଇଥିଲା । ପରେ ପୁଣି ଲୋକସେବା ଭାବନାରେ ହୋଇଥିବା ଆଲୋଚନା ସଫଳ ହୋଇଛି । ଆଗାମୀ ଦିନରେ ସରକାର ସେମାନଙ୍କ ଦାବି କୁ ନେଇ ଖୁବ ଶୀଘ୍ର ନିଷ୍ପତି ନେବେ ବୋଲି ସୂଚନା ମିଳିଛି । ମୁଖ୍ୟମନ୍ତ୍ରୀ ନିଜେ ଏଥିପ୍ରତି ହସ୍ତକ୍ଷେପ କରିବେ । ସେପଟେ କିନ୍ତୁ ଦାବି ପୂରଣ ନ ହେବା ଯାଏଁ ପଶ୍ଚିମ ଓଡ଼ିଶାରେ ଆନ୍ଦୋଳନ ଚାଲୁ ରହିବ ବୋଲି କହିଛି ସଂଘ ।
ସେହିପରି ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ନେଇ ଆଜି ସମ୍ବଲପୁରରେ ସମ୍ବଲପୁର ନାଗରିକ କ୍ରିୟାନୁଷ୍ଠାନ କମିଟି ପକ୍ଷରୁ ପ୍ରତିବାଦ ଦିବସ ପାଳନ କରାଯାଇଛି । ଏହାର ପ୍ରଭାବରେ ସମ୍ବଲପୁର ସହରର ସମସ୍ତ ସରକାରୀ ଅଫିସ, କୋର୍ଟ, କଚେରୀ ସବୁ ବନ୍ଦ ରହିଥିଲା । ସମସ୍ତ ସରକାରୀ କାର୍ଯ୍ୟାଳୟ ସମ୍ମୁଖରେ ନାଗରିକ କ୍ରିୟାନୁଷ୍ଠାନ କମିଟି ପକ୍ଷରୁ ଅବରୋଧ କରାଯାଇଥିଲା।
ଇଟିଭି ଭାରତ, ଭୁବନେଶ୍ବର
