ଅର୍ଚ୍ଚନାଙ୍କ କଳା ସାମ୍ରାଜ୍ୟର ଖୋଲୁଛି ଗୁମର, ବ୍ୟକ୍ତିଗତ ଫଟୋ ରଖି କରୁଥିଲା ବ୍ଲାକମେଲ୍‌

ମାୟାବିନୀ ଲେଡି ବ୍ଲାକ ମେଲର ଅର୍ଚ୍ଚନା ନାଗଙ୍କ ଗିରଫ ଘଟଣାରେ ତଦନ୍ତ ଆରମ୍ଭ କରାଯାଇଥିବା ନେଇ ଭୁବନେଶ୍ବର ଡିସିପି ପ୍ରତୀକ ସିଂହ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ଧୀରେ ଧୀରେ ଖୋଲୁଛି ମାୟାବିନୀ ଲେଡି ବ୍ଲାକ ମେଲର ଅର୍ଚ୍ଚନା ନାଗଙ୍କ(Lady Blackmailer Archana Nag) ଗୁମର। ରାଜନେତାଙ୍କୁ ବ୍ଲାକମେଲ ଅଭିଯୋଗରେ ଉଚ୍ଚ ଶିକ୍ଷିତା ସୁନ୍ଦରୀ ମାୟାବିନୀ ଅର୍ଚ୍ଚନା ନାଗ ଗିରଫ ଘଟଣାରେ ତଦନ୍ତ ଆରମ୍ଭ କରିଛି ପୋଲିସ । ହାଇପ୍ରୋଫାଇଲ ନେତା ପୋଲିସ ଓ ସରକାରୀ ଅଫିସରଙ୍କ ସହ ଅର୍ଚ୍ଚନାଙ୍କ ଫଟୋ ଭାଇରାଲ ହେବା ପରେ ପାଓ୍ବାର କରିଡରରେ ମଧ୍ୟ ଆତଙ୍କ ସୃଷ୍ଟି ହୋଇଛି । ଏହି ଘଟଣାରେ ତଦନ୍ତ ଆରମ୍ଭ କରାଯାଇଥିବା ନେଇ ଭୁବନେଶ୍ବର ଡିସିପି ପ୍ରତୀକ ସିଂହ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଭୁବନେଶ୍ୱର ଡିସିପି କହିଛନ୍ତି ଯେ, "ଖଣ୍ଡଗିରି ଥାନାରେ ଜଣେ ଯୁବତୀ 2 ଅକ୍ଟୋବରରେ ଜଣେ ଯୁବତୀ ଅଭିଯୋଗ କରିଥିଲେ(Archana Nags Lodges Complaint At Police Station)। ଅର୍ଚ୍ଚନା ପ୍ରଥମେ ବନ୍ଧୁତା ମାଧ୍ୟମରେ ସଂପର୍କ ବଢ଼ାଉଥିଲେ । ସେ ଅଭିଯୋଗକାରିଣୀଙ୍କ କିଛି ଅନ୍ତରଙ୍ଗ ଫଟୋ ରଖିଥିଲେ, ଯାହାକୁ ନେଇ ତାଙ୍କୁ ବ୍ଲାକମେଲିଂ କରିଥିଲେ । ଯାହାକୁ ନେଇ କେସ୍ ନଂ 496/22 ଏକ ମାମଲା ରୁଜୁ କରି ଏହି ମାମଲାକୁ ନିଜେ ଆଇଆଇସି ତଦନ୍ତ କରି ଘଟଣାରେ ଅର୍ଚ୍ଚନାକୁ ଗିରଫ କରାଯାଇଛି । ଏହାସହ ତାଙ୍କ ନିକଟରୁ ଫୋନ, ଟାବଲେଟ, ଡ଼ିଭିଏସ, ପାସବୁକ୍‌, ଡକ୍ୟୁମେଣ୍ଟ ଆଦି ଜବତ ହୋଇଛି । ଏହାସହ ଘରେ ଥିବା ସମସ୍ତ recording device ଜବତ ହୋଇଛି ।"

ଡିସିପି ଆହୁରି କହିଛନ୍ତି ଯେ," ଅର୍ଚ୍ଚନା ନାଗଙ୍କ ବ୍ୟାଙ୍କ କାରବାର ନେଇ ତଦନ୍ତ ଆରମ୍ଭ ହେବ । 5 ବର୍ଷ ଭିତରେ କରିଥିବା ଟ୍ରାଞ୍ଜେକସନ, ବ୍ୟାଙ୍କ ଆକାଉଣ୍ଟର ସମସ୍ତ ତଥ୍ୟ ରିଜର୍ଭ ବ୍ୟାଙ୍କକୁ ମଗାଯାଇଛି । କେଉଁମାନେ ଅର୍ଚ୍ଚନାଙ୍କ ଦ୍ବାରା ବ୍ଲାକମେଲର ଶିକାର ହୋଇଥିଲେ, ସେନେଇ ମଧ୍ୟ ତଦନ୍ତ ଜାରି ରହିଛି । ଜମିଜମା ସମ୍ପର୍କିତ ତଥ୍ୟ ଦାଖଲ ପାଇଁ ଆମ ବିଭାଗୀୟ ଅଧିକାରୀଙ୍କୁ ଚିଠି ଲେଖିଛୁ । ଏହାସହ ରେଜିଷ୍ଟର କମ୍ପାନୀକୁ ମଧ୍ୟ କହୁଛି କି ତାଙ୍କ ନାଁରେ ଯଦି କିଛି କମ୍ପାନୀ ରହିଛି ତାହାର ହିସାବ ଦେବେ । ଏହି ଘଟଣାରେ ଅର୍ଚ୍ଚନା ନାଗଙ୍କ ଅନ୍ୟ କିଏ କିଏ ଆଉ ସାମିଲ ରହିଛନ୍ତି ସେନେଇ ଆମେ ତଦନ୍ତ ଜାରି ରଖିଛୁ ।

ଅର୍ଚ୍ଚନାଙ୍କ ସ୍ବାମୀଙ୍କୁ ମଧ୍ୟ ଚିଠି ଲେଖିଛୁ । ତାଙ୍କ ସ୍ବାସ୍ଥ୍ୟ ଅବସ୍ଥା ଠିକ ନଥିବା କାରଣରୁ ତାଙ୍କୁ ତଦନ୍ତ କରାଯାଇନାହିଁ । ବ୍ଲାକମେଲିଂ ନେଇ ଖଣ୍ଡଗିରି ଥାନାରେ ଗତ ୨ ତାରିଖରେ ଜଣେ ଯୁବତୀ ଅଭିଯୋଗ କରିଥିଲେ । ସେନେଇ ତଦନ୍ତ ଜାରି ରହିଛି । ଯଦି ଆବଶ୍ୟକ ହୁଏ ଆମେ ତାଙ୍କୁ ରିମାଣ୍ଡରେ ଆଣି ପଚରାଉଚରା କରିବୁ । ଫାଇନାନ୍ସ ପାର୍ଟ ଉପରେ ଅଧିକ ଗୁରୁତ୍ବ ଦେବୁ । ଅର୍ଚ୍ଚନାଙ୍କ ସମ୍ପତ୍ତି, ତାଙ୍କ ନାମରେ ଯଦି କିଛି କମ୍ପାନୀ ରହିଛି ସେନେଇ ତଦନ୍ତ କରିବୁ । ବର୍ତ୍ତମାନ ସୁଦ୍ଧା ତାଙ୍କ ନାମରେ ଦୁଇଟି କେସ ରହିଛି । ଖଣ୍ଡଗିରି ଆଉ ନୟାପଲ୍ଲୀ ରହିଥିବା କେସ ଅନୁସାରେ ତଦନ୍ତ ଜାରି ରହିଛି । ଆଉ କୌଣସି ଥାନାରେ କଣ କେସ ରହିଛି କି ସେନେଇ ମଧ୍ୟ ଆମେ ତଦନ୍ତ ଜାରି ରଖିଛୁ ।"

ସୂଚନା ଅନୁସାରେ ସଂପୃକ୍ତ ମହିଳାଙ୍କ ପାଖରୁ ପୋଲିସ ପେନ ଡ୍ରାଇଭ, ମୋବାଇଲ ଫୋନ ସମେତ କିଛି ଗୁରୁତ୍ବପୂର୍ଣ୍ଣ ଦସ୍ତାବିଜ ଜବତ କରିଛି । ଜବତ ହୋଇଥିବା ଦସ୍ତାବିଜରେ ଗିରଫ ମହିଳାଙ୍କ କଳା କାରନାମାର ଗୁପ୍ତ ତଥ୍ୟ ଥିବା କୁହାଯାଉଛି । ଗିରଫ ମହିଳା ଜଣଙ୍କ ହେଉଛନ୍ତି ଅର୍ଚ୍ଚନା ନାଗ ଚାନ୍ଦ । ସ୍ୱାମୀ ଜଗବନ୍ଧୁ ଚାନ୍ଦ । ମହିଳା ଜଣଙ୍କ ଉଚ୍ଚ ଶିକ୍ଷିତା ଓ ଆଇନ ପାଠ ପଢିଥିବା ଜଣାପଡିଛି । ସ୍ୱାମୀ ଜଗବନ୍ଧୁ ଚାନ୍ଦ ସହାୟତାରେ ଏଭଳି କଳା କାରନାମାରେ କରୁଥିବା ସନ୍ଦେହ ହେଉଛି ।

ଇଟିଭି ଭାରତ, ଭୁବନେଶ୍ବର