ଭୁବନେଶ୍ବର: ସରିଲା ହକି ପୋଲିସ ଚାମ୍ପିୟନସିପ । ଚଳିତ ଚାମ୍ପିୟନସିପରେ ଚମ୍ପିୟାନ ହୋଇଛି ସିଆରପିଏଫ ଦିଲ୍ଲୀ ଟିମ। ବିଏସଏଫ ଜଳନ୍ଧରକୁ ୪-୨ ଗୋଲ ବ୍ୟବଧାନରେ ହରାଇ ଟ୍ରଫି ହାତେଇଛି ଦିଲ୍ଲୀ ସିଆରପିଏଫ ଟିମ। ଏଥିସହ ତୃତୀୟ ସ୍ଥାନରେ ରହିଛି ଓଡିଶା ପୋଲିସ ହକି ଟିମ।
ଶୃଙ୍ଖଳିତ ଦଳ ଭାବେ ମହାରାଷ୍ଟ୍ର ପୋଲିସ ସମ୍ମାନିତ ହୋଇଥିବା ବେଳେ, ସିଆରପିଏଫ ଟିମର ଓଡିଆ ପୁଅ ବିକାଶ କୁଜୁର ବେଷ୍ଟ ପ୍ଲେୟାର ଭାବେ ସମ୍ମାନିତ ହୋଇଛନ୍ତି।ସେହିପରି ବେଷ୍ଟ ମିଡ ଫିଲ୍ଡର ଭାବେ ସିଆଇଏସଏଫର ଶର୍ମା ଆବାଶ,ବେଷ୍ଟ ଡିଫେଣ୍ଡର ଭାବେ ଓଡିଶା ଟିମର ରୋଶନ ବାହାଲା, ବେଷ୍ଟ ଗୋଲକିପର ଭାବେ ସିଆରପିଏଫ କୁଲଦିପ ସିଂ,ବେଷ୍ଟ ଫର୍ୱାର୍ଡ ବିଏସଏଫ ଜଳନ୍ଧରର ଜଶୱନ୍ତ ସିଂକୁ ସମ୍ମାନିତ କରାଯାଇଛି।
ତେବେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟ ଶଙ୍କର ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳିଙ୍କୁ ଟ୍ରଫି ପ୍ରଦାନ କରିଛନ୍ତି। ତେବେ ଗତ ୧୬ ତାରିଖରୁ ଆରମ୍ଭ ହୋଇଥିଲା ସର୍ବଭାରତୀୟ ପୋଲିସ ହକି ଚାମ୍ପିୟନସିପ । ଯେଉଁଥିରେ ସାରା ଦେଶର ୨୫ଟି ଟିମ ଅଂଶ ଗ୍ରହଣ କରିଥିଲେ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
