ଭୁବନେଶ୍ବର: ଡକାୟତି ଯୋଜନା ପଣ୍ଡ। ଏସଏଚଜି ଗ୍ରୁପର ଟଙ୍କା ଡକାୟତି ଯୋଜନା ବେଳେ ଖୋର୍ଦ୍ଧାରୁ 4 ଡକାୟତଙ୍କୁ ଗିରଫ କରିଛି କ୍ରାଇମବ୍ରାଞ୍ଚ। ସେମାନଙ୍କ ଠାରୁ ୯ ଏମଏମ ପିସ୍ତଲ ସହ ୫ରାଉଣ୍ଡ ଗୁଳି ଓ ମାରଣାସ୍ତ୍ର ଜବତ କରାଯାଇଛି।
ସୂଚନା ମୁତାବକ, ଖୋର୍ଦ୍ଧା ଏନଏଚ ୧୬ ନିକଟରେ କିଛି ଡକାୟତ ଡକାୟତି ଯୋଜନା କରୁଥିଲେ । ଅତି ଚତୁରତା ସହିତ ଜଣେ ଡକାୟତ ରାସ୍ତାରେ ଠିଆ ହୋଇଥିବା ବେଳେ କ୍ରାଇମବ୍ରାଞ୍ଚର ଏସଟିଏଫ ଟିମ ଗିରଫ କରିଥିଲା । ପରେ ଅନ୍ୟ 3 ଡକାୟତଙ୍କୁ ଗିରଫ କରାଯାଇଥିବା ବେଳେ ଘଟଣାସ୍ଥଳରୁ ଅନ୍ୟ ସହଯୋଗୀ ଫେରାର ହୋଇଯାଇଥିଲେ ।
ତେବେ ଗିରଫ ଡକାୟତ ମାନେ ହେଲେ ଦୁଃଶାସନ ବେହେରା ଓରଫ ସନା, ହେମନ୍ତ ନାୟକ, ନିହାର ସାମନ୍ତରାୟ ଓରଫ ଜଗନ, ମହମ୍ମଦ ବସିର ଓରଫ ଲିପୁ । ପରେ ସେମାନଙ୍କୁ ଆଇପିସିର ଧାରା ୩୯୯,୪୦୨, ଆର୍ମସ ଆକ୍ଟ ୨୫,୨୭ ଓ ୧୯୫୯ ରେ କୋର୍ଟକୁ ଚାଲାଣ କରିଛି କ୍ରାଇମବ୍ରାଞ୍ଚ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
