ଭୁବନେଶ୍ବର: ଅଜବ ଫ୍ୟାନଙ୍କ ଗଜବ ନିଶା । ନିଜ ପ୍ରିୟ ଖେଳ ଓ ଖେଳାଳିଙ୍କୁ ନେଇ ଫ୍ୟାନ ବିଭୋର । କ୍ରିକେଟର ଫିଭର ଓଡିଶାରେ ଚାଲିଥିବା ବେଳେ ଏମିତି ଏକ ନିଆରା ଦୃଶ୍ୟ ଦେଖିବାକୁ ମିଳିଛି ରାଜଧାନୀରେ । ଜଣେ କ୍ରିକେଟ ଫ୍ୟାନ ଦେବବ୍ରତ ସାହୁ ନିଜ ପ୍ରିୟ ଖେଳାଳିଙ୍କ ହାତରେ କରିଛନ୍ତି ନିଜ ବିଜନେସର ଶୁଭାରମ୍ଭ । ଟଙ୍କ ପାଣି ନୂଆରୋଡ ବାଇପାସରେ ନିକଟସ୍ଥ ସାଇମନ୍ଦିର ପାଖରେ ନୂତନ ଭାବେ ଖୋଲିଥିବା ଲ୍ୟାଣ୍ଡସ୍କେପ ମଣ୍ଡପକୁ ଶୁଭାରମ୍ଭ କରିଛନ୍ତି ପୂର୍ବତନ କ୍ରିକେଟର ସୁନିଲ ଗାଭାସ୍କର । ଯାହାକୁ ନେଇ ଶୁଭାରମ୍ଭ ସମୟରେ ଦେଖିବାକୁ ମିଳିଛି ଜବରଦସ୍ତ ଭିଡ ।
ଏକ ଅତ୍ୟାଧୁନିକ ସ୍ତରର ମଣ୍ଡପକୁ ଶୁଭାରମ୍ଭ ସମୟରେ ନିଜର ଫ୍ୟାନଙ୍କ ଏପରି ଉତ୍ସାହକୁ ଦେଖି ଖୁସି ବ୍ୟକ୍ତ କରିଥିଲେ ଗାଭାସ୍କର । ନିଜର ଏପରି ଜଣେ ଫ୍ୟାନ ତାଙ୍କର ଏପରି ବିଜନେସ ବା ମଣ୍ଡପର ଉଦଘାଟନ ତାଙ୍କ ଜରିଆରେ କରିଥିବାରୁ ତାଙ୍କର ବିଜନେସ ବେଶ ସଫଳ ହେଉ ବୋଲି ସେ କହିଥିଲେ । ତେବେ ପ୍ରଥମ ଥର ପାଇଁ ଏପରି ଏକ ଅତ୍ୟାଧୁନିକ ତଥା ଆନ୍ତର୍ଜାତିୟ ସ୍ତରର ମଣ୍ଡପ ଯାହାକି ବିବାହ ବ୍ରତ,ଷ୍ଟାର ନାଇଟ,କର୍ପୋରେଟ ମିଟିଂ,ପାର୍ଟି ପାଇଁ ମଣ୍ଡପ ଭୁବନେଶ୍ବରରେ ପ୍ରଥମ ଥର ପାଇଁ ପ୍ରସ୍ତୁତ ବୋଲି କହିଛନ୍ତି ମଣ୍ଡପର ମାଲିକ ଦେବବ୍ରତ ସାହୁ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
