ଭୁବନେଶ୍ବର: କୋରୋନାର ଦୃତ ସଂକ୍ରମଣକୁ ରୋକ୍ ଲଗାଇବା ପାଇଁ ବିଏମସି ପକ୍ଷରୁ ପ୍ରଚେଷ୍ଟା ଜାରି ରହିଛି । ପ୍ରବଳ ଭିଡକୁ ଆଖି ଆଗରେ ରଖି ଭୁବନେଶ୍ୱରର ଜନବହୁଳ ଏକ ନମ୍ବର ହାଟକୁ ବନ୍ଦ କଲା ବିଏମସି । ଯେହେତୁ ଆସନ୍ତାକାଲି ଠାରୁ ସାରା ରାଜ୍ୟରେ ଆରମ୍ଭ ହେବ ଲକଡାଉନ । ତାହାକୁ ଦୃଷ୍ଟିରେ ରଖି ଭୁବନେଶ୍ୱରରେ ଲକଡାଉନ ଆରମ୍ଭ ହେବ । ସେନେଇ ଆଜି ଏକ ନମ୍ବର ହାଟ ପଛପଟ ସ୍କୁଲ ପଡିଆରେ ଅସ୍ଥାୟୀ ହାଟରେ ପରିବା କିଣାକୁ ନେଇ ପ୍ରବଳ ଭିଡ଼ ହୋଇଥିଲା ।
କୋଭିଡ ନିୟମକୁ ଫୁ' କରି ଉଭୟ ଖାଉଟି ଓ ଦୋକାନୀ କିଣା ବିକାରେ ବ୍ୟସ୍ତ । ତେବେ ଅସମ୍ଭାଳ ଭିଡକୁ ନିୟନ୍ତ୍ରଣ କରିବାକୁ ଯାଇ ବିଏମସି ଓ ପୋଲିସ କମିଶନରେଟ ପକ୍ଷରୁ ଆସନ୍ତା କାଲି ସକାଳ ପର୍ଯ୍ୟନ୍ତ ହାଟକୁ ବନ୍ଦ କରି ଦିଆଯାଇଛି ।
ବିଏମସି ପକ୍ଷରୁ ବିଭିନ୍ନ ହାଟ ବଜାର, ହୋଟେଲ, ଦୋକାନ, କୋଚିଂ କ୍ଲାସରେ କୋଭିଡ ନିୟମ ଉଲ୍ଲଂଘନ ଅଭିଯୋଗରେ ସିଲ କରାଯାଉଛି । ପୂର୍ବରୁ ଡମଣା ହାଟ, ଇନ୍ଦ୍ରଧନୁ ମାର୍କେଟକୁ ବିଏମସି ପକ୍ଷରୁ ବନ୍ଦ କରାଯାଇଥିଲା ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
