ଭୁବନେଶ୍ବର: ନିଜାମୁଦ୍ଦିନର ଧାର୍ମିକ ସଭାରେ ଯୋଗଦେଇଥିବା 3 ଜଣ ଓଡ଼ିଆ ଓଡ଼ିଶା ଫେରିଛନ୍ତି । ତେବେ ବର୍ତ୍ତମାନ ସେମାନଙ୍କୁ ହୋମ କ୍ବାରେଣ୍ଟାଇନରେ ରଖାଯାଇଛି । ଏତଦ୍ ବ୍ୟତୀତ ଉକ୍ତ ବ୍ୟକ୍ତିଙ୍କ ପରିବାର ଓ ଅନ୍ୟ କେହି ସେହି ସଭାରୁ ଯଦି ଓଡିଶା ଫେରିଥାନ୍ତି ସେମାନଙ୍କୁ ଚିହ୍ନଟ କରିବା ପ୍ରକିୟା ଜାରି ରହିଛି ।
ସାରା ବିଶ୍ବରେ ୨୦୦ଟି ଦେଶକୁ ବ୍ୟାପିଲାଣି ମହାମାରୀ କୋରୋନା । ୭,୮୯,୯୩୬ରେ ପହଁଚିଛି ସଂକ୍ରମିତ ବ୍ୟକ୍ତିଙ୍କ ସଂଖ୍ୟା । ସେହିପରି ୩୮,୧୦୩ ରେ ପହଁଚିଲାଣି ମୃତକଙ୍କ ସଂଖ୍ୟା । ତେବେ ଭାରତରେ 13 ଶହ ପାଖାପାଖି ଲୋକ ଆକ୍ରାନ୍ତ ହୋଇଥିବା ବେଳେ 32ରେ ପହଁଚିଛି ମୃତ୍ୟୁ ସଂଖ୍ୟା । ତେବେ ଓଡିଶାରେ କୋରୋନାର ସ୍ଥିତି ନିୟନ୍ତ୍ରଣ ରହିଛି । ଲକଡାଉନ ଯୋଗୁଁ ଏହା ବ୍ୟାପିବାରେ ବାଧକ ସୃଷ୍ଟି ହୋଇଥିବା କହିଛନ୍ତି କୋରୋନା ମୁକାବିଲା କମିଟିର ମୁଖପାତ୍ର ସୁବ୍ରତ ବାଗଚୀ ।
ସେ କହିଛନ୍ତି ରାଜ୍ୟର ୪୭୩ଟି ନମୁନା ପଠାଯାଇଥିଲା ସେଥିରୁ ମାତ୍ର ୩ଜଣ ଓଡିଶାରେ ପଜିଟିଭ ଅର୍ଥାତ କରୋନା ରୋଗୀ ଚିହ୍ନଟ ହୋଇଛନ୍ତି । ତେବେ କ୍ବାରେଣ୍ଟାଇନରେ ୫୭ଜଣ ରହିଛନ୍ତି ଏବଂ ଅନେକ ମଧ୍ୟ ଡିସଚାର୍ଜ ହୋଇଛନ୍ତି । ଏଯାବତ ୧୧,୫୭୫ଜଣ ପଞ୍ଜିକୃତ ହୋଇଥିବା ସହ ୪,୩୦୪ ଜଣ ବିଦେଶରୁ ଫେରିଥିବା ସୁଚନା ମିଳିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
