ପୁରୀ: କୋରୋନା ସତର୍କତା ନେଇ ଶ୍ରୀମନ୍ଦିରରେ ବିଭିନ୍ନ କଟକଣା କରାଯାଇଛି । ଶ୍ରୀମନ୍ଦିରରେ ପ୍ରବେଶ ପୂର୍ବରୁ ଭକ୍ତମାନେ ମଙ୍ଗଳବାର ଠାରୁ ଏକ ଘୋଷଣାନାମା ଫର୍ମ ପୂରଣ କରିବେ ବୋଲି କୁହାଯାଇଛି । ଯେଉଁଥିରେ କି ଭକ୍ତ ଓ ତାଙ୍କ ପରିବାର ସଦସ୍ୟମାନେ ନିଜ ନାମ, ପିତାଙ୍କ ନାମ, ଗ୍ରାମ, ସହର, ପୋଷ୍ଟ ସମେତ କେଉଁ ଦେଶ ଓ ରାଜ୍ୟ, ଫୋନ ନମ୍ବର ତଥ୍ୟ ଦେବେ ।
ସେହିପରି 2019 ଡିସେମ୍ବର ଠାରୁ ଉକ୍ତ ବ୍ୟକ୍ତି କିମ୍ବା ତାଙ୍କ ପରିବାର କୌଣସି ଲୋକ କୋରୋନା ସଂକ୍ରମିତ ଦେଶ ଯାଇଛନ୍ତି କି ନାହିଁ ସେନେଇ ମଧ୍ୟ ତଥ୍ୟ ଦେବେ । ଏହାସହ ଗତ 15 ଦିନ ହେବ ପରିବାରର କୌଣସି ସଦସ୍ୟଙ୍କୁ ଜ୍ବର, କାଶ, ଥଣ୍ଡା ଆଦି ହୋଇଛି କି ନାହିଁ ସେ ତଥ୍ୟ ମଧ୍ୟ ଦେବେ ବୋଲି ଜଣାପଡିଛି ।
ଯଦି ତଥ୍ୟ ଦେବାରେ କୌଣସି ଭୁଲ ଥାଏ ପରବର୍ତ୍ତୀ ସମୟ ସେ ନିଜେ ଦାୟୀ ରହିବା ସହ ସରକାର ତାଙ୍କ ଉପରେ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ନେବେ କୁହାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
